Ақмола облысы туристік
саласының жағдайы мен
даму перспективалары туралы
Ақмола облысы туризм басқармасы басшысының А.И.Подгурскийдің өңірдің туристік саласын дамытудың жай-күйі мен перспективалары туралы есебін тыңдап, Ақмола облыстық мәслихаты облыста өңірдің туристік әлеуетін дамыту міндеттерін шешуге бағытталған елеулі жұмыстар жүргізіліп жатқанын атап өтті.
Қазақстан Республикасы Үкіметінің 2025 жылғы 6 наурыздағы № 126 қаулысымен бекітілген Щучье-Бурабай курорттық аймағын дамытудың 2025-2029 жылдарға арналған кешенді жоспарында жалпы сомасы 113,7 млрд.теңгеге 118 іс-шараны іске асыру көзделген, оның 75-і облыс әкімдігіне бекітілген.
2025 жылға жалпы сомасы 7,7 млрд.теңгеге 32 іс - шараны орындау жоспарланған: республикалық бюджеттен - 0,8 млрд. теңге, жергілікті бюджеттен-6,9 млрд. теңге. Ағымдағы күнгі жағдай бойынша іс жүзінде 5,6 млрд.теңге бөлінді, бұл жоспарланған көлемнің 73% құрайды, тапшылық 2,0 млрд. теңгені құрайды.
Бүгінгі таңда 2,9 млрд. теңге сомасына 16 іс-шара қаржыландырылды, оның екеуі толық аяқталды. Сонымен қатар, тоғыз іс-шара 2,7 млрд.теңге көлемінде ішінара қаржыландырылды. Алайда, жалпы сомасы 0,6 млрд. теңгеге бес іс-шара қаржыландырусыз қалып отыр.
Сонымен қатар, бірқатар бағыттар бойынша бюджеттен тыс қаражат тарту және мемлекеттік-жекешелік әріптестік тетіктерін пайдалану жұмыстары белсенді жүргізілуде. Жеке инвестицияларды тарту, жаңа туристік маршруттарды іске қосу, цифрлық инфрақұрылымды жаңғырту және өңірлік брендті қалыптастыру бағыттарында елеулі ілгерілеушілік байқалады.
18 іс - шараны іске асыру бюджеттен тыс қаражат есебінен көзделген, оның жетеуі бойынша - бастамашылар айқындалған, екеуі бойынша - инвесторлармен келіссөздер жүргізіліп, біреуі бойынша - жобалау-сметалық құжаттаманы әзірлеуге уағдаластыққа қол жеткізілді.
Сондай-ақ, мемлекеттік-жекешелік әріптестік пен жеке компаниялардың қатысуын қоса алғанда, жекелеген проблемалық объектілерді іске асырудың баламалы тетіктері белсенді пысықталуда.
Баяндалғанның негізінде Ақмола облыстық мәслихаты ШЕШІМ ҚАБЫЛДАДЫ:
Ақмола облысының туризм басқармасы:
- инвестицияларды тарту және қаржыландырудың баламалы көздерін іздеу бойынша белсенді жұмысты жалғастыру;
- дайындық сатысындағы іс-шаралар бойынша жобалау-сметалық құжаттаманы әзірлеуді жеделдету;
- балаларға арналған туристік маршруттарды олардың жас ерекшеліктерін, қызығушылықтары мен білім беру қажеттіліктерін ескере отырып әзірлеу жөнінде шаралар қабылдау;
- Ерейментау ауданында туризмді дамыту бойынша шаралар қабылдау (сакралды нысандарды цифрландыру және ілгерілету; этно-экологиялық және білім беру турларын ұйымдастыру; туристік маршруттарды әзірлеу; Көбейтұз көлінде туризмді дамыту; «Бұйратау» ұлттық паркін басқаруды оңтайландыру);
- дайындық кезеңіндегі іс-шараларға қатысты жобалау-сметалық құжаттаманы әзірлеу процесін жеделдету.
«Қазақстан» Республикалық телерадиокорпорациясы» акционерлік қоғамының Ақмола облыстық филиалы, «Ақмола-«Тіршілік» ЖШС:
- перспективалы туристік бағыт ретінде өңірдің оң имиджін қалыптастыруға жәрдемдесу;
- туристік саланы дамыту жөніндегі іс-шараларды табысты іске асырудың мысалдарын жариялау;
- туризм саласында іске асырылатын мемлекеттік-жекешелік әріптестік пен жеке бастамаларды танымал ету;
- туристік инфрақұрылымды дамыту бойынша қол жеткізілген нәтижелерге және ағымдағы бастамаларға жұртшылықтың назарын аудару.
Ақмола облыстық
мәслихатының төрағасы Б. Жүсіпов