Ақмола облыстық мәслихаты экономика және бюджет жөніндегі
тұрақты комиссия отырысының
ҚАУЛЫСЫ
2025 жылғы 23 сәуір Көкшетау қ.
Облыстағы тұрғын үйлер құрылысының
жай-күйі мен болашағы,
әлеуметтік сала объектілерінің құрылысы,
жалпы құрылыс саласындағы мәселелер туралы
Төрағалық етуші – Қойшыбаев М.С. – облыстық мәслихаттың экономика және бюджет мәселелері бойынша тұрақты комиссиясының төрағасы
Қатысушылар: облыстық мәслихаттың экономика және бюджет жөніндегі тұрақты комиссиясының, облыстық мәслихаттың басқа комиссияларының мүшелері, аудандық(қалалық) мәслихаттардың төрағалары, аудандар (қалалар) әкімдерінің орынбасарлары, облыстық құрылыс, сәулет, қала құрылысы, мемлекеттік сәулет-құрылыс бақылауы басқармаларының басшылығы.
Облыстық құрылыс, сәулет және қала құрылысы басқармасы басшысының м. а. А.С. Байқуанышевтің, облыстық мемлекеттік сәулет-құрылыс бақылауы басқармасы басшысының Б. А. Оспанбековтың ақпаратын тыңдап, облыстық мәслихаттың тұрақты комиссиясы ҚАУЛЫ ЕТЕДІ:
Белгілеу қажет:
- облыстық құрылымдар тапсырыс беруші болып табылатын бірқатар объектілерде авторлық және техникалық қадағалаудың болмауы;
- бірқатар объектілер бойынша құрылыс жұмыстарының сапасыздығы, объектілерді тапсыру мерзімдерінің бұзылуы және құжаттаманы ресімдеу сатысындағы кідірістер;
- құрылыс, сәулет және қала құрылысы басқармасы келесі жобалардың уақтылы аяқталғаны туралы куәландырды: Денсаулық сақтау объектілері-16 ФАП (2025 жылдың қыркүйегіне дейін); Зеренді ауданының БЖСМ тапсыру бойынша (2025 жылдың маусымы); Көкшетау қаласында «Ақан сері атындағы жоғары мәдениет колледжі» МКҚК үшін жатақхана салу бойынша (2025 жылдың тамыз - қыркүйек);
- -қажетті жұмыс көлемін орындау үшін облыстық мемлекеттік сәулет-құрылыс бақылау басқармасының штат санының жеткіліксіздігі.
Ұсыну:
- Ақкөл, Егіндікөл, Жарқайың, Целиноград, Біржан сал аудандарында құрылыс және пайдалануға беру мерзімдерінің бұзылуына жол берілген тұрғын үй объектілеріне тиісті бақылауды қамтамасыз ету;
- Ақмол ауылында аудандық аурухана салу бойынша жобаны іске асыруға 2025 жылы уақтылы қаржыландыруды қамтамасыз ету;
- 2026 жылы Көкшетау қаласында мүмкіндігі шектеулі балаларға арналған оңалту орталығының құрылысын аяқтау жөнінде шаралар қабылдау;
- ауылдық елді мекендерге қоныс аударатын қандастар үшін тұрғын үй салу мүмкіндігін қарастыру;
- «Ауылда денсаулық сақтауды жаңғырту» бағдарламасы бойынша медициналық мекемелерді уақтылы және тиісті сапамен іске қосу жөнінде шаралар қабылдау;
- Қарабұлақ кентінде мәдениет үйін салу бойынша ұзаққа созылған жобаны толық көлемде қаржыландыруды және іске асыруды қамтамасыз ету;
- коммуналдық тұрғын үй қорынан тұрғын үйге мұқтаж азаматтарды ескере отырып, Қорғалжын ауданында тұрғын үй салу мәселесін пысықтау;
- облыстық мемлекеттік органдар тапсырыс берушілері болып табылатын объектілерде жұмыстардың сапасы мен орындалу кестесінің бұзылу фактілері байқалатын аудандар мен қалаларда партиялық бақылау бекеттерінің (депутаттардың, жұртшылықтың қатысуымен) жұмысын ұйымдастыру туралы мәселені пысықтау;
- Аршалы ауданы Арнасай кентіндегі дәрігерлік амбулатория объектісінде мердігерлік жұмыстарды сапасыз орындау фактілері бойынша шаралар қабылдау;
– Қосшы қаласында құрылысы ұзаққа созылып кеткен балабақша объектісін аяқтау бойынша шаралар қабылдау (толық қаржыландырылмауына және мердігердің өз міндеттемелерін тиісінше орындамауына, жобаның қымбаттауына байланысты);
- Қосшы қаласы халқының санының өсуіне байланысты жаңа мектеп салу мәселесін қарастыру.
- облыстық мәслихатқа нақты негіздемелерді көрсете отырып, мемлекеттік органның штат санын ұлғайту жөнінде ұсыныс дайындап жолдасын;
- Қосшы қаласының «Сиреневый сад» ТК, «Diamond park» ТК (бүгінгі күні инженерлік коммуникациялар жоқ; тұрғын үй құрылысына үлестік қатысу мәселелері жөніндегі ведомствоаралық комиссияның проблемалық шешімімен танылған), құрылыс ұзаққа созылып кеткен балабақшасы (толық қаржыландырылмауына және мердігердің өз міндеттемелерін тиісінше орындамауына, қымбаттауына байланысты) объектілері бойынша ерекше бақылауды қамтамасыз ету жоба).
Осы қаулының іске асырылуын бақылау облыстық мәслихаттың экономика және бюджет мәселелері жөніндегі тұрақты комиссиясына жүктелсін.
Ақмола облыстық мәслихатының
экономика және бюджет мәселелері жөніндегі
тұрақты комиссиясының төрағасы М.Қойшыбаев