Бүгін, 2023 жылғы 27 сәуірде Жамбыл ауданы мәслихатының мәжіліс залында Равиль Сиреньевич Садыковтың төрағалығымен ауылдық округ әкімдері, мамандары мен бұқаралық ақпарат құралдары өкілінің қатысуымен ауданның қоғамдық кеңесінің кезекті отырысы өтті.
Ауылдық округ әкімдері Қоғамдық кеңес мүшелеріне 2023-2025 жылдарға арналған ауылдық округ бюджеттерін нақтылау бойынша мәслихат шешімдерінің жобаларын ұсынды.
Осы ауылдық округтердің бюджеттерін нақтылау Қазақстан Республикасы Бюджет Кодексінің 104, 106, 109-1-баптарына сәйкес жүргізіледі. Әкімдердің бюджет қаражатын игеру жөніндегі баяндамалары негізінде ішкі қайта бөлу ұсынылады, олар округтерді дамыту жөніндегі бірқатар міндеттерді шешуге бағытталатын болады. Мәселен, бюджетті нақтылау кезінде елді мекендердің санитариясын, абаттандырылуын және көгалдандырылуын қамтамасыз етуге, жергілікті деңгейде мәдени-демалыс жұмыстарын қолдауға, аудандық маңызы бар автомобиль жолдарының, ауылдар мен ауылдық округтердің жұмыс істеуін қамтамасыз етуге қаражат көзделген, деп атап өтті ауылдық округтердің әкімдері.
2023-2025 жылдарға арналған ауылдық округтердің бюджеттеріне өзгерістер мен толықтырулар енгізу туралы белсенді талқылау қорытындысы бойынша Қоғамдық кеңес бірқатар тиісті ұсынымдар шығарды.