Сессия жұмысы басталмас бұрын Мемлекет басшысының өкімімен Ұлттық аза тұту күнінің жариялануына орай, ел тыныштығы мен қауіпсіздігін қорғау жолында қаза болған әскери қызметшілердің рухына тағзым етіп, бір минуттық үнсіздік жарияладық.
Күн тәртібінде қала объектілерінің жылу беру маусымына дайындығы, тұрақты комиссияның есебі, 2026-2028 жылдарға арналған қалалық бюджетке өзгерістер енгізу, жер қатынастарына қатысты шарт жобалары, тұрғын үй көмегін көрсету тәртібіне өзгерістер енгізу және т.б. мәселелер қаралды.
Қаралған мәселелер бойынша депутаттар тарапынан тиісті шешімдер қабылданды.
Қала әкімі Б.Орынбековтің қатысуымен қалалық мәслихаттың кезектен тыс қырықыншы сессиясы өтті. Сессияға қала әкімінің орынбасарлары, аудан әкімдері, полиция басқармасының басшысы, әкімдіктің бөлім және мекеме басшылары қатысты.
Күн тәртібіндегі негізгі мәселе бойынша Тараз қалалық мәслихатының 2025 жылғы 19 желтоқсандағы «2026-2028 жылдарға арналған қалалық бюджет туралы» №35-3 шешіміне өзгерістер енгізу туралы қала әкімдігінің экономика және бюджеттік жоспарлау бөлімінің басшысы Ж.Ордабаев баяндады.
Сондай-ақ, сессияда «Жер учаскесін мемлекет мұқтажы үшін алып қоюға байланысты шарттардың жобасына келісу туралы», «Тараз қаласы әкімдігі жанындағы құқық бұзушылық профилактикасы жөніндегі ведомствоаралық комиссияның құрамын бекіту туралы» және т.б. мәселелер қаралды. Депутаттар аталған мәселелер бойынша тиісті шешімдер қабылдады.
Тараз қалалық мәслихатының кезектен тыс 40 сессиясы 2026 жылғы 15 мамыр күні сағат 1000–де өтеді.
Сессияның қарауына келесі мәселелер ұсынылады:
Қалалық мәслихаттың тұрақты комиссияларының бірлескен отырысы 2026 жылдың 14 мамыр күні сағат 1600 өтеді.
Депутаттарды тіркеу 2026 жылдың 15 мамыр күні сағат 0930 басталады.
Ескерту: Сегізінші шақырылған Тараз қалалық мәслихатының кезектен тыс 40 сессиясын «Тараз қалалық мәслихаты» YOUTUBE платформасы арқылы көре аласыздар.
Тараз қалалық
мәслихатының төрағасы К.Олжабай
Қала әкімдігінің мәжіліс залында қалалық мәслихаттың кезекті 38-ші сессиясы өтті. Жиынға қала әкімінің орынбасары Г.Жауынбекова, қалалық полиция басқармасының өкілі және әкімдіктің бөлім басшылары мен т.б. қатысты.
Күн тәртібіндегі бірінші мәселе бойынша «Қалалық мәслихаттың 2025 жылы атқарған жұмысы, оның тұрақты комиссияларының қызметі туралы» мәслихат төрағасы К.Олжабай есебін берді.
Сонымен қатар, «Білім беру ұйымдарындағы қауіпсіздік шараларының жағдайы туралы», «Қалалық мәслихаттың білім беру және әлеуметтік мәселелер жөніндегі тұрақты комиссиясының есебі туралы» және «Тараз қалалық аумақтық және учаскелік сайлау комиссияларының құрамын қалыптастыру туралы» Тараз қалалық мәслихатының 2023 жылғы 27 желтоқсандағы №11-4 шешіміне өзгерістер енгізу туралы» мәселелер қаралып, депутаттар өз ой-пікірлерімен бөлісіп, тиісті шешімдер қабылданды.
Бүгін қалалық полиция басқармасында Конституциялық реформаға арналған кездесу өтті.
Жиында қатысушыларға реформаның негізгі бағыттары, заң үстемдігін қамтамасыз ету және т.б. мәселелер түсіндірілді.
Сонымен қатар, реформалардың құқық қорғау органдары қызметіне әсері мен қоғамдағы жауапкершілікті арттырудағы рөлі талқыланды.
Қалалық Төтенше жағдайлар басқармасында Конституциялық реформаға арналған мазмұнды кездесу өтті.
Жиында ел Конституциясына енгізілген жаңа өзгерістердің маңызы мен оларды жүзеге асырудың негіздері түсіндірілді.
Кездесуде басқарма қызметкерлері белсенділік танытып, реформаға қатысты өз ойларын білдірді.
Жамбыл жылу мекемесінің ұжымымен Конституциялық реформаға арналған кездесу өтті.
Іс-шара барысында елімізде жүзеге асырылып жатқан Конституциялық өзгерістердің мәні мен маңызы, олардың қоғам дамуына тигізетін әсері жан-жақты түсіндірілді.
Жиында қатысушылар өздерін толғандырған сұрақтарын қойып, нақты жауап алды.
«Қазақстан Темір Жолы» мекемесінің қызметкерлерімен Конституциялық реформа аясында кездесу өтті.
Жиында реформа аясындағы негізгі өзгерістер, оның ел дамуы мен азаматтардың құқықтарын нығайтудағы маңызы түсіндірілді.
Қатысушылар өздерін қызықтырған сұрақтарын қойып, пікір алмасты. Ашық диалог форматында өткен басқосу еңбек ұжымы үшін маңызды әрі пайдалы болды.