Талғар ауданының жер комиссиясының құрамын және комиссия туралы ережені бекіту туралы

Талғар ауданының жер комиссиясының құрамын және комиссия туралы ережені бекіту туралы

 

Қазақстан Республикасының Жер Кодексінің 15-бабы 1-тармағының 5-3) тармақшасына сәйкес, Талғар аудандық мәслихаты ШЕШТІ:

1. Талғар ауданының жер комиссиясының құрамы осы шешімнің   1-қосымшасына сәйкес бекітілсін.
2. Талғар ауданының жер комиссия туралы ережесі осы шешімнің  2-қосымшасына сәйкес бекітілсін.
3. Осы шешімінің 3-қосымшасына сәйкес Талғар аудандық мәслихатының кейбір шешімдерінің күші жойылды деп танылсын.
4. Осы шешімнің орындалуын бақылау Талғар ауданы әкімінің жетекшілік ететін орынбасарына жүктелсін.

 

 

Талғар аудандық

мәслихатының төрағасы                                            М. Алибеков

 

 

  

Талғар аудандық мәслихатының 2023 жылғы «10» тамыздағы №8-39 шешіміне 1-қосымша

 

Талғар ауданының жер комиссиясының құрамы

 

№	Аты-жөні	лауазымы
комиссия төрағасы
1	Аскербеков Ануар Жанболатович	Талғар ауданы әкімі орынбасарының міндетін атқарушы
комиссия хатшысы
	Қызайбек Ұлан Еркінбекұлы	«Талғар ауданының ауыл шаруашылығы мен жер қатынастары бөлімі» ММ бас маманы
комиссия мүшелері
2	Ауелбаев Жандос Касенканович	«Талғар ауданының ауыл шаруашылығы мен жер қатынастары бөлімі» ММ басшысының міндетін атқарушы
3	Бошкулов Айдар Багашарович	«Талғар ауданының құрылыс, сәулет және    қалақұрылысы бөлімі» ММ басшысының міндетін атқарушы
4	Мысақұл Абайбек Нұрланұлы	«Алматы облысы жер қатынастары басқармасы» ММ бөлім басшысы
5	Абдалимов Нуржан Диханбекович	Талғар ауданы әкімі аппараты мемлекеттік-құқықтық бөлім басшысы
6	Искаков Сункар Нуртазаевич	«Атамекен» ҚР ҰКП Алматы облысының кәсіпкерлер палатасының Талғар аудандық филиалының кәсіпкерлер кеңесінің өкілі (келісім бойынша)
7	Абилхаирұлы Арыстанбек	Талғар аудандық маслихатының депутаты (келісім бойынша)
8	Ахметжанов Рустем Кажиканович	Талғар аудандық маслихатының депутаты (келісім бойынша)
9	Еңкебайұлы Жұмахан	Талғар ауданының қоғамдық кеңесінің төрағасы (келісім бойынша)
10	Раметов Курмангали Амандурдыевич	Талғар ауданындағы «Талғар Су»                        ШЖҚ МКК бас инженері (келісім бойынша)
11	Идришев Есет Бабагумарович	«Байсерке-Агро» ЖШС құрылтайшылар кеңесшісі (келісім бойынша)

 

*Жер учаскелері осы Кодекстің 43-1-бабына сәйкес берілген жағдайда, Талғар ауданының жер комиссиясының құрамына жер учаскесі аумағында орналасқан ауылдық округ әкімі мен жергілікті қоғамдастық жиналысы жіберген ауылдың немесе ауылдық округтің жергілікті халық өкілдері де кіреді.                        

 

 

Талғар аудандық мәслихатының

                                                                               2023 жылғы «10» тамыздағы

№ 8-39 шешіміне 2-қосымша

 

 

Талғар ауданының жер комиссия туралы
 ЕРЕЖЕ

 

1-тарау. Жалпы ережелер

 

1. Осы Жер комиссиясы туралы ереже (бұдан әрі – Ереже) Қазақстан Республикасы Жер кодексінің (бұдан әрі – Кодекс) 14-бабы 1-тармағының 2-3) тармақшасынасәйкес әзірленді.
2. Жер комиссиясы (бұдан әрі - Комиссия) Талғар ауданының аумағында құзыреті шегінде тұрақты жұмыс істейтін алқалы орган болып табылады. Комиссия өзінің жұмысын ашықтық, жариялылық, алқалылық және әділдік қағидаттарында ұйымдастырады.
3. Комиссия өз қызметінде Қазақстан Республикасының Конституциясын, Қазақстан Республикасының заңдарын, сондай-ақ Қазақстан Республикасының жер қатынастарын реттейтін нормативтік құқықтық актілерін басшылыққа алады.

 

2-тарау. Комиссияның функциялары мен құқықтары

 

4. Комиссияның функциялары жер учаскелеріне құқықтар беру туралы (шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалдау) құқығын беру жөніндегі конкурс жеңімпазын айқындау туралы), жер учаскелерінің нысаналы мақсатын өзгерту туралы және су қорының жерін басқа санаттардағы жерге ауыстыру туралы өтініштерді (өтінімдерді) қарау және қорытындылар дайындау болып табылады.
5. Комиссия өз құзыретіне кіретін мәселелер бойынша мемлекеттік органдардан жер учаскесінің бары немесе жоғы туралы, жер учаскесіне ауыртпалық туралы, заңды тұлғалардың жарғылық капиталында шетелдіктердің үлесі бары немесе жоғы туралы, су қорғау аймақтары мен белдеулерінің пайдаланылу режимі туралы мәліметтерді сұратуға және алуға құқылы.

 

3-тарау. Комиссияның қызметін ұйымдастыру

 

6. Комиссия өз қызметін тұрақты негізде жүзеге асырады.
7. Комиссия құрамы Кодекстің 43-бабына сәйкес айқындалады.
8. Комиссия төрағасы Талғар ауданы әкімінің жер мәселеріне жетекшілік ететін орынбасары болып табылады.
9. Төраға Комиссияның жұмысын ұйымдастырады және осы Ережеде Комиссияға жүктелген міндеттер мен функциялардың уақтылы және сапалы орындалуын қамтамасыз етеді.
10. Комиссия төрағасы:

          1) отырысты шақырады;

          2) Комиссияның қызметіне жалпы басшылықты жүзеге асырады;

          3) Комиссияның жұмысын жоспарлайды;

          4) Комиссия отырыстарына төрағалық етеді.

11. Комиссия мүшелері:

          1) ұсынылған материалдармен танысады;

          2) Комиссия отырысында қаралуы тиіс мәселелерді қарайды және тиісті шешім шығаруға қатысады;

          3) отырыстарға қатысу жөніндегі өз өкілеттігін басқа адамға бермейді.

12. Комиссия хатшысы:

          1) Комиссия отырысының күн тәртібін жасайды;

          2) Комиссия мүшелеріне Комисия отырысының өтетін күні мен орны туралы хабарлайды;

          3) отырысты өткізуге қажетті материалдарды дайындауды жүзеге асырады, комиссия отырысының хаттамасын және комиссия отырысының қорытындысын ресімдейді;

          4) Комиссия мүшесі болып табылмайды.

13. «Талғар ауданының ауыл шаруашылығы мен жер қатынастары бөлімі» ММ Комиссияның жұмыс органы (бұдан әрі – Жұмыс органы) болып табылады.

          Комиссия хатшысының міндеттері Жұмыс органының маманына жүктеледі.

14. Отырыстың күн тәртібін, сондай-ақ өткізілетін күнін, уақыты мен орнын Комиссия төрағасы айқындайды.
15. Комиссияның кезекті отырысының күн тәртібін қалыптастыруды, Комиссия мүшелерін шақыруды, Комиссия қорытындыларының жобаларын және басқа да қажетті іс-шараларды Жұмыс орган қамтамасыз етеді.
16. Комиссия отырысы, егер оған оның құрамының жалпы санының кемінде үштен екісі қатысса, заңды деп есептеледі. Бұл ретте қатысатын қоғамдық кеңестер, агроөнеркәсіптік кешен саласындағы мемлекеттік емес ұйымдар және өзге де салалық мемлекеттік емес ұйымдар, Қазақстан Республикасының Ұлттық кәсіпкерлер палатасы, сондай-ақ жергілікті өзін-өзі басқару органдары өкілдерінің саны қатысып отырған жер комиссиясы мүшелерінің жалпы санының кемінде елу пайызын құрауы тиіс. Жер комиссиясының мүшелері оның отырыстарына ауысу құқығынсыз қатысады.

          Комиссия мүшесі, егер шешім қабылданған адам оның жұбайы (зайыбы), жақын туысы (ата-анасы, баласы, бала асырап алушы, асырап алынған баласы, ата-анасы бір және ата-анасы бөлек аға-інісі мен апа-сіңлісі (қарындасы), атасы, әжесі, немересі) немесе жекжаты (жұбайының (зайыбының) асырап алған баласы, ата-анасы бір және ата-анасы бөлек аға-інісі мен апа-сіңлісі (қарындасы), ата-анасы және баласы) болса, Комиссия отырысының күн тәртібіне енгізілген мәселені қарау кезінде өздігінен бас тартатынын мәлімдейді.

          Өздігінен бас тарту Комиссия отырысы басталғанға дейін жазбаша түрде мәлімденуі тиіс.

17. Комиссияның шешімі ашық дауыс беру арқылы қабылданады. Дауыс беру нәтижелері отырысқа қатысушы жер комиссиясы мүшелерінің жалпы санының көпшілік даусымен айқындалады және егер жер комиссиясы мүшелерінің көпшілігі дауыс берсе шешім қабылданды деп саналады.
18. Комиссия отырысы міндетті түрде аудио, бейнежазба құралдарының көмегімен жазылады. Жер комиссиясының отырысын аудио, бейнежазба құралдарының көмегімен жазуды Талғар ауданының әкімдігі жүзеге асырады.
19. Комиссияның қорытындысы Жұмыс органы Комиссияға сұралған жер учаскесін аумақтық аймақтарға бөлуді немесе жер учаскесін алдын ала таңдауды қамтамасыз етуге сәйкес (елді мекен шекарасында объектілер құрылысын қоспағанда, объектілер салу үшін жер учаскесі сұралған кезде) мәлімделген нысаналы мақсатқа сәйкес пайдалану мүмкіндігі туралы ұсыныс енгізген сәттен бастап екі жұмыс күні ішінде үш данада хаттамалық шешім түрінде ресімделеді.

          Жұмыс органы ай сайын Комиссияның хаттамалық шешімдерін өзінің интернет-ресурсында орналастырады.

20. Комиссия қорытындысының бір данасы қол қойылған сәттен бастап бір жұмыс күні ішінде өтініш берушіге (оның өкіліне) мына тәсілдердің бірі арқылы беріледі (жіберіледі):

          қолма-қол;

          табыс етілгені туралы хабарламасы бар тапсырысты почта жөнелтілімі нысанында;

          электрондық цифрлық қолтаңба арқылы қол қойылған электрондық құжатпен;

          өтініш берушінің электрондық почта мекенжайы бойынша табыс етіледі (жіберіледі).

 

4-тарау. Қорытынды ережелер

 

21. Өтінім беруші Комиссияның хаттамалық шешімін алған күннен бастап жеті жұмыс күні ішінде Қазақстан Республикасының Әкімшілік іс жүргізу кодексінде белгіленген тәртіппен сотқа шағымдануы мүмкін.

Сотқа арыз берілгенде Комиссияның хаттамалық шешімінің орындалуы тоқтатылады.

22. Комиссия қызметін материалдық-техникалық қамтамасыз ету Талғар ауданы әкімнің аппаратына жүктеледі.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Талғар аудандық мәслихатының

                                                                               2023 жылғы «10» тамыздағы

№ 8-39 шешіміне 3-қосымша

 

 

 

Талғар аудандық мәслихатының күші жойылған

кейбір шешімдерінің тізбесі.

 

1. «Талғар ауданы бойынша жер комиссиясының құрамын және комиссия

туралы ережені бекіту туралы» Талғар аудандық мәслихатының 2022 жылғы 28 қаңтардағы №19-66 шешімі.

2. «Талғар ауданы бойынша жер комиссиясының құрамын және комиссия

туралы ережені бекіту туралы» Талғар аудандық мәслихатының 2022 жылғы 28 қаңтардағы № 19-66 шешіміне өзгеріс енгізу туралы» Талғар аудандық мәслихатының 2022 жылғы 2 қыркүйектегі №30-95 шешімі.

3. «Талғар ауданы бойынша жер комиссиясының құрамын және комиссия

туралы ережені бекіту туралы» Талғар аудандық мәслихатының 2022 жылғы 28 қаңтардағы № 19-66 шешіміне өзгеріс енгізу туралы» Талғар аудандық мәслихатының 2023 жылғы 17 қаңтардағы №40-128 шешімі.

4. «Талғар ауданы бойынша жер комиссиясының құрамын және комиссия

туралы ережені бекіту туралы» Талғар аудандық мәслихатының 2022 жылғы 28 қаңтардағы № 19-66 шешіміне өзгеріс енгізу туралы» Талғар аудандық мәслихатының 2023 жылғы 14 сәуірдегі №2-12 шешімі.

 

 

 

 

 

 

 

 

 

 

 

 

 

 

 

 

 

Дата публикации

01 сентября 2023