Сыбайлас жемқорлық тәуекелдеріне ішкі талдау жүргізу туралы
Сыбайлас жемқорлық тәуекелдеріне ішкі талдау жүргізу туралы Қазақстан Республикасының «Сыбайлас жемқорлыққа қарсы іс-қимыл туралы» Заңының 8-бабының 5-тармағын басшылыққа ала отырып, сыбайлас жемқорлық тәуекелдерін анықтау және олардың алдын алу мақсатында ӨКІМ ЕТЕМІН:
- Талғар аудандық мәслихатының аппаратында 2026 жылдың қыркүйек айының 9-30 күндері аралығында сыбайлас жемқорлық тәуекелдеріне ішкі талдау жүргізілсін.
- Ішкі талдау жүргізу жөніндегі жұмыс тобы мынадай құрамда бекітілсін:
Жұмыс тобының төрағасы: М.Алибеков.
Жұмыс тобының мүшелері: Аппарат басшысы У.Даркенбаева, бөлім басшысы Г.Амантайқызы, бас маман Н.Турлыбаева, бас маман М.Кабденов.
- Жұмыс тобына нормативтік құқықтық актілерді және ұйымдастырушылық-басқарушылық қызметті зерделеу, тәуекелдерді анықтау, олардың себептері мен жағдайларын айқындау және ұсынымдар әзірлеу тапсырылсын.
- Талдау нәтижелері бойынша аналитикалық анықтама және сыбайлас жемқорлық тәуекелдерін жою жөніндегі іс-шаралар жоспары әзірленсін.
- Осы өкімнің орындалуын бақылау аппарат басшысы У.Даркенбаеваға жүктелсін.
Мәслихат төрағасы М.Алибеков