Степногорск қаласы
әкімдігі жанындағы
терроризмге қарсы
комиссиясының құрамын
бекіту туралы
«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 6-бабы 1-тармағының 12) тармақшасына, «Терроризмге қарсы комиссиялар туралы үлгілік ережені бекіту туралы» Қазақстан Республикасы Президентінің 2013 жылғы 24 маусымдағы № 589 Жарлығына сәйкес, Степногорск қаласы әкімдігінің 2025 жылғы 14 наурыздағы № А-3/101 «Степногорск қаласы әкімдігінің жанындағы терроризмге қарсы комиссия құру туралы» қаулысы негізінде, Степногорск қалалық мәслихаты ШЕШІМ ҚАБЫЛДАДЫ:
- Степногорск қаласы әкімдігінің жанындағы терроризмге қарсы комиссияның құрамы осы шешімнің 1-қосымшасына сәйкес бекітілсін.
- Степногорск қаласы әкімдігінің жанындағы терроризмге қарсы комиссияның жұмыс тобының құрамы осы шешімнің 2-қосымшасына сәйкес бекітілсін.
- Террористік тұрғыдан осал объектілердің терроризмге қарсы қорғалуын мониторингілеу жөніндегі ведомствоаралық жұмыс тобының құрамы осы шешімнің 3-қосымшасына сәйкес бекітілсін.
- Мемлекеттік органдардың терроризм актілерінің салдарын азайтуға және (немесе) жоюға әзірлігін қамтамасыз ету жөніндегі жұмыс тобының құрамы осы шешімнің 4-қосымшасына сәйкес бекітілсін.
- Степногорск қалалық мәслихатының 2022 жылғы 29 қыркүйектегі № 7С-19/7 «Степногорск қаласы әкімдігі жанындағы терроризмге қарсы комиссияның құрамын бекіту туралы» шешімінің күші жойылды деп танылсын.
- Осы шешім қол қойылған күнінен бастап күшіне енеді және қолданысқа енгізіледі.
Қалалық мәслихаттың
төрағасы О. Джагпаров