Степногорск қаласының
аумағында жолаушылар мен
багажды қалалық қатынастарда
автомобильмен тұрақты тасымалдауға
сараланатын тарифті белгілеу туралы
«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңына, «Автомобиль көлiгi туралы» Қазақстан Республикасы Заңының 19 - бабының 2-1 тармағына сәйкес, Степногорск қалалық мәслихаты ШЕШІМ ҚАБЫЛДАДЫ:
- Степногорск қаласының аумағында жолаушылар мен багажды қалалық қатынастарда автомобильмен тұрақты тасымалдауға сараланатын тариф келесі мөлшерде белгіленсін:
1) көлік картасы немесе электрондық төлемнің қосымша қызметтері арқылы қолма-қол ақшасыз жол ақысын төлеу кезінде – 80 сексен теңге;
2) жол ақысын қолма-қол ақшамен төлеу кезінде – 160 жүз алпыс теңге.
- Степногорск қаласының аумағында қалалық қатынастарда жолаушылар мен багажды автомобильмен тұрақты тасымалдауға жеңілдікпен жол жүру «Автомобиль көлігі туралы» Қазақстан Республикасы Заңының 20-бабының негізінде жүргізілетін болады.
- Степногорск қалалық мәслихатының 2015 жылғы 9 қаңтардағы № 5С-35/3 «Степногорск қаласында тұрақты автомобиль тасымалдауына тарифті келісу туралы» және 2022 жылғы 30 наурыздағы № 7С-12/6 «Степногорск қалалық мәслихатының 2015 жылғы 9 қаңтардағы № 5С-35/3 «Степногорск қаласында тұрақты автомобиль тасымалдауына тарифті келісу туралы» шешіміне өзгерістер енгізу туралы» шешімдерінің күші жойылды деп танылсын.
- Осы шешім қол қойылған күнінен бастап күшіне енеді және қолданысқа енгізіледі.
Қалалық мәслихаттың
төрағасы О. Джагпаров