Шу ауданы мәслихатының аппараты

«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 1-бабының 11-тармақшасына сәйкес жергілікті өкілді орган (мәслихат) – облыстың республикалық маңызы бар қаланың және астананың немесе ауданның (облыстық маңызы бар қаланың) халқы сайлайтын, халықтың еркін білдіретін және Қазақстан Республикасының заңнамасына сәйкес оны іске асыру үшін қажетті шараларды айқындайтын және олардың жүзеге асырылуын бақылайтын сайланбалы орган;

Жергілікті мемлекеттік басқару – осы Заңда және Қазақстан Республикасының өзге де заңнамалық актілерінде белгіленген құзіреті шегінде тиісті аумақта мемлекеттік саясатты жүргізу, оны дамыту мақсатында жергілікті өкілді және атқарушы органдар жүзеге асыратын,  сондай-ақ оларды тиісті аумақтағы істің жай-күйіне жауапты болып табылатын қызметі;

Жергілікті өзін-өзі басқару – халық тікелей жүзеге асыратын, сондай-ақ мәслихаттар және басқа да жергілікті өзін-өзі басқару органдары арқылы жүзеге асырылатын осы Заңда, өзге де нормативтік құқықтық актілерде айқындалған тәртіппен жергілікті маңызы бар мәселелерді өзінің жауапкершілігімен дербес шешуге бағытталған қызмет;

Мәслихат аппараты – тиісті мәслихаттың, оның органдары мен депутаттарының қызметін қамтамасыз ететін мемлекеттік мекеме;

Шу аудандық мәслихаттың төрағасы Әбенов Жасұлан Әлкенұл. Шу аудандық мәслихаттың ІХ шақырылымның құрамы 17 депутаттан тұрады, оның ішінде «Аманат» париясынан – 12 депутат,  «Ақжол» партиясынан - 4 депутат, «Ауыл» партиясынан – 1 депутат бар.

Шу аудандық мәслихатта 3 тұрақты комиссия қызмет атқарады:

1. Аудандық мәслихаттың экономика, бюджет, салық, аумақты және жергілікті өзін-өзі басқаруды дамыту мәселелері жөніндегі тұрақты комиссиясы - төрайымы Жүнісалиева Лайла Маханбетқызы

2. Аудандық мәслихаттың әлеуметтік-мәдени, денсаулықты сақтау, білім салаларын, қоғамдық және жастар ұйымдарымен байланысты дамыту, құқықтық тәртіп мәселелері жөніндегі тұрақты комиссиясы – төрағасы Сұлтанғазиев Махсат Лесханұлы

3. Аудандық мәслихаттың агроөнеркәсіпті дамыту, кәсіпкерлікті қолдау, өнеркәсіп, құрылыс, байланыс, энергетика, көлік және коммуналдық салаларды дамыту мәселелері, жер учаскісін немесе өзге де жылжымайтын мүлікті сатып алу туралы шарттар жобаларын қарау жөніндегі тұрақты комиссиясы – төрағасы Разимбеков Нұржан Калмаханұлы