Бюджет, әлеуметтік-экономикалық даму, өнеркәсіп, ауыл шаруашылығы, жер қатынастары, кәсіпкерлік және экология мәселелері жөніндегі тұрақты комиссияның
ҚАУЛЫСЫ
2026 жылғы 19 наурыз № 5 Шортанды к.
Шортанды ауданының әлеуметтік-
экономикалық дамуының негізгі
көрсеткіштерін орындау туралы
«Экономика және қаржы бөлімі» ММ басшысы Ж. К. Мұнтаеваның «Шортанды ауданының әлеуметтік-экономикалық дамуының негізгі көрсеткіштерінің орындалуы туралы» ақпаратын тыңдап және талқылай келе, Шортанды аудандық мәслихатының тұрақты комиссиясы 2025 жылдың қорытындысы бойынша ауданда негізгі әлеуметтік-экономикалық көрсеткіштер бойынша оң өсу қарқыны қамтамасыз етілгенін атап өтті.
Есепті кезеңде негізгі капиталға инвестициялардың айтарлықтай өсуі, өнеркәсіптік өндіріс көлемінің ұлғаюы, құрылыс саласының дамуы, кәсіпкерлік белсенділіктің өсуі, сондай-ақ бірқатар ірі инвестициялық жобалардың іске асырылуы байқалады. Ауыл шаруашылығын дамыту, инфрақұрылымды жаңғырту, автомобиль жолдарының жағдайын жақсарту, жылумен және сумен жабдықтауды дамыту, шағын және орта бизнесті қолдау бойынша жұмыстар жүргізілуде.
Сонымен бірге, одан әрі шешуді талап ететін мәселелер, оның ішінде мал шаруашылығы саласын дамыту, инвестицияларды одан әрі тарту, қайта өңдеу өнеркәсібін дамыту, инфрақұрылымды жаңғырту және халықтың өмір сүру сапасын арттыру мәселелері қалып отыр.
Ауданның одан әрі тұрақты әлеуметтік-экономикалық дамуын қамтамасыз ету мақсатында, Шортанды аудандық мәслихатының тұрақты комиссиясы ҚАУЛЫ ЕТЕДІ:
1. «Экономика және қаржы бөлімі» ММ басшысы Ж. К. Мұнтаеваның «Шортанды ауданының әлеуметтік-экономикалық дамуының негізгі көрсеткіштерінің орындалуы туралы» ақпараты назарға алынсын.
2. Шортанды ауданының әкімдігіне және ауданның жергілікті атқарушы органдарына ұсынылсын:
1) нысаналы индикаторларының дамуына қол жеткізуге, инвестициялық тартымдылықты арттыруға және халықтың өмір сүру сапасын жақсартуға бағытталған ауданның орнықты әлеуметтік-экономикалық дамуын қамтамасыз ету жөніндегі кешенді шараларды іске асыруды жалғастырсын;
2) ауданның өнеркәсіптік әлеуетін одан әрі дамытуды, оның ішінде өндірістерді жаңғырту, қазіргі заманғы технологияларды енгізу, кәсіпорындарды цифрландыру және жаңа инвестициялық жобаларды іске асыру есебінен қамтамасыз етсін;
3) ауыл шаруашылығы өнімдерін қайта өңдеу көлемін ұлғайту және қайта өңдеу кәсіпорындарының жүктемесін арттыру жөнінде шаралар қабылдасын;
4) мал шаруашылығы саласын дамыту, оның ішінде сүт-тауар фермаларын, бордақылау алаңдарын құру және «Ауыл Аманаты» бағдарламасы шеңберінде жобаларды іске асыру жөніндегі жұмысты жандандырсын;
5) объектілерді уақтылы пайдалануға беруді және жаңа жұмыс орындарын құруды қамтамасыз ете отырып, инвестицияларды тарту және инвестициялық жобаларды сүйемелдеу жөніндегі жұмысты жалғастырсын;
6) Төңкеріс станциясы ауданында республикалық маңызы бар индустриялық аймақты қалыптастыруға бағытталған жобаларды іске асыруды қамтамасыз етуге, сондай-ақ жаңа инвесторларды тарту үшін қолайлы жағдайлар жасасын;
7) шағын және орта кәсіпкерлікті дамыту, бизнес субъектілерінің санын ұлғайту және олардың аудан экономикасына қатысуын кеңейту жөніндегі іс-шараларды іске асыруды жалғастырсын;
8) әлеуметтік маңызы бар азық-түлік тауарларына бағаларды тұрақтандыру жөніндегі шаралар кешенін іске асыруды қамтамасыз етсін;
9) аудан инфрақұрылымын, оның ішінде автомобиль жолдарын салу және жөндеу, көшелерді жарықтандыруды дамыту, елді мекендерді абаттандыру бөлігінде дамытуды жалғастырсын;
10) елді мекендерді жылумен жабдықтау және сумен жабдықтау жүйелерін одан әрі дамытуды, халықтың сапалы ауыз сумен қамтамасыз етілу деңгейін арттыруды қамтамасыз етсін;
11) тұрғын үй құрылысын одан әрі дамыту және азаматтардың әлеуметтік осал топтарын тұрғын үймен қамтамасыз ету жөнінде шаралар қабылдасын;
12) білім беру сапасын арттыру, балаларды мектепке дейінгі тәрбиемен және оқытумен қамтуды кеңейту, сондай-ақ білім беру объектілерінің материалдық-техникалық базасын нығайту жөніндегі жұмысты жалғастырсын;
13) мемлекеттік білім беру ұйымдарын бейнебақылау жүйелерімен жарақтандыруды, сондай-ақ күрделі және ағымдағы жөндеулерді уақтылы жүргізуді қамтамасыз етсін;
14) жұмыссыз және өзін-өзі нәтижесіз жұмыспен қамтыған азаматтарды жұмыспен қамтуға жәрдемдесудің белсенді шараларына тарту жөніндегі жұмысты жандандырсын;
15) халық арасында әлеуметтік қолдау мәселелері бойынша, оның ішінде атаулы әлеуметтік көмек пен кепілдік берілген әлеуметтік пакеттің жаңа форматы бойынша ақпараттық-түсіндіру жұмысын жалғастырсын;
16) мүгедектігі бар адамдар үшін кедергісіз орта құру және әлеуметтік және көлік инфрақұрылымы объектілерінің қолжетімділігін арттыру жөніндегі іс-шараларды өткізуді қамтамасыз етсін;
17) дене шынықтыру мен спортты дамыту, спорт объектілерінің желісін кеңейту және спортпен жүйелі түрде шұғылданатын азаматтардың санын ұлғайту жөнінде қосымша шаралар қабылдасын;
18) қоғамдық келісімді, азаматтық белсенділікті және жастарды рухани-адамгершілік тәрбиелеуді нығайтуға бағытталған мемлекеттік жастар саясатын іске асыру жөніндегі жұмысты жалғастырсын.
3. Осы қаулының орындалуын бақылау аудандық мәслихаттың бюджет, әлеуметтік-экономикалық даму, өнеркәсіп, ауыл шаруашылығы, жер қатынастары, кәсіпкерлік және экология мәселелері жөніндегі тұрақты комиссиясына жүктелсін (төрағасы Е.Н. Шахметов).
Тұрақты
комиссияның төрағасы Е. Шахметов