Бюджет, әлеуметтік – экономикалық даму, өнеркәсіп,
ауыл шаруашылығы, жер қатынастары, кәсіпкерлік және экология мәселелері жөніндегі тұрақты комиссиясының
ҚАУЛЫСЫ
2025 жылғы 18 тамыз № 8 Шортанды к.
Шортанды ауданының
әлеуметтік-экономикалық дамуының
негізгі көрсеткіштерді орындау туралы
«Экономика және қаржы бөлімі» ММ басшысы Ж.К.Мұнтаеваның «Шортанды ауданының әлеуметтік-экономикалық дамуының негізгі көрсеткіштерінің орындалуы туралы» ақпаратын тыңдап, Шортанды ауданының бюджет, әлеуметтік-экономикалық даму, өнеркәсіп, ауыл шаруашылығы, жер қатынастары, кәсіпкерлік және экология мәселелері жөніндегі тұрақты комиссиясы ҚАУЛЫ ЕТЕДІ:
1. «Экономика және қаржы бөлімі» ММ басшысы Ж.К.Мұнтаеваның «Шортанды ауданының әлеуметтік-экономикалық дамуының негізгі көрсеткіштерінің орындалуы туралы» ақпараты назарға алынсын.
2. Шортанды ауданының әкімдігіне және ауданның жергілікті атқарушы органдарына:
- Шортанды ауданының тұрақты әлеуметтік-экономикалық дамуын қамтамасыз ету, жергілікті атқарушы органдар қызметінің тиімділігін арттыру, сондай-ақ халықтың өмір сүру сапасын жақсарту жөніндегі басым міндеттерді іске асыру мақсатында ауданның әлеуметтік-экономикалық дамуының нысаналы көрсеткіштеріне қол жеткізуге, өнеркәсіптік және ауыл шаруашылығы әлеуетін нығайтуға, кәсіпкерлікті, әлеуметтік саланы және инфрақұрылымды дамытуға бағытталған қосымша шаралар қабылдасын;
- технологиялық жаңғырту мен цифрландыруға байланысты бұрын іске асырылған және енгізу жоспарланған іс-шаралар есебінен ірі кәсіпорындарда өнеркәсіптік өндіріс пен еңбек өнімділігінің өсуінің оң қарқынын сақтауды қамтамасыз ету;
- мал шаруашылығы саласында қайта өңдеу кәсіпорындарының жүктемесін арттыру;
- ауыл шаруашылығы өнімдерінің көлемін ұлғайту жөнінде шаралар қабылдау;
- инвестициялық жобаларды іске асыру жөніндегі жұмысты жалғастыру және оларды уақтылы пайдалануға беруді қамтамасыз ету;
- әлеуметтік маңызы бар азық-түлік тауарларының бағасын тұрақтандыру жөніндегі іс-шаралар кешенін іске асыру;
- шағын және орта бизнесті қолдаудың мемлекеттік бағдарламаларын іске асыру жөніндегі жұмыстарды күшейту;
- білім беру сапасын арттыру, 1-ден 6 жасқа дейінгі балаларды мектепке дейінгі біліммен қамту жөніндегі жұмыстарды жалғастыру;
- мемлекеттік балабақшалар мен мектептерді бейнебақылау камераларымен 100% жабдықтауды, білім беру объектілеріне күрделі және ағымдағы жөндеулерді уақтылы жүргізуді қамтамасыз ету;
- өзін-өзі өнімсіз жұмыспен қамтыған және жұмыссыз азаматтарды жұмыспен қамтудың және жұмысқа орналастырудың белсенді шараларына тарту;
- тұрақты негізде аз қамтылған отбасылар арасында атаулы әлеуметтік көмектің жаңа форматы және кепілдендірілген әлеуметтік пакетті енгізу бойынша ақпараттық-түсіндіру жұмыстарын жүргізу;
- мүгедектігі бар адамдардың барлық санаттары үшін әлеуметтік және көлік инфрақұрылымы объектілерінің толық қолжетімділігін қамтамасыз ету бойынша бейімдеу іс-шараларын жүргізуді бақылауға алу;
- дене шынықтырумен және спортпен жүйелі түрде шұғылданатын азаматтарды қамтуды ұлғайту және қазіргі заманғы спорт объектілерінің желісін кеңейту;
- саяси тұрақтылықты, ұлтаралық келісімді және аудан жастарын рухани-адамгершілік тәрбиелеуді нығайтуға бағытталған ішкі және жастар саясаты саласындағы жұмысты жалғастыру.
3. Осы қаулының орындалуын бақылау аудандық мәслихаттың бюджет, әлеуметтік-экономикалық даму, өнеркәсіп, ауыл шаруашылығы, жер қатынастары, кәсіпкерлік және экология мәселелері жөніндегі тұрақты комиссиясына жүктелсін (төрағасы Е.Н. Шахметов).
Тұрақты
комиссиясының төрағасы Е.Шахметов