Депутаттық өкілеттік және әдеп, жастар ісі, ұлтаралық қатынастар, тұрғындардың денсаулығын қорғау, білім беру, мәдениет, заңдылық және құқық тәртібін сақтау мәселелері жөніндегі тұрақты комиссиясының
ҚАУЛЫСЫ
2024 жылғы 27 наурыз № 4 Шортанды к.
«Жұмыспен қамту және
әлеуметтік бағдарламалар бөлімі ММ
жұмысы туралы
«Жұмыспен қамту және әлеуметтік бағдарламалар бөлімі» ММ басшысы Т.А. Сытниктың «Жұмыспен қамту және әлеуметтік бағдарламалар бөлімі» ММ жұмысы туралы» мәселе бойынша есебін тыңдап, талқылағаннан кейін тұрақты комиссия ауданның атқарушы органдары мемлекеттік әлеуметтік саясаттың негізгі бағыттарын іске асыру бойынша белгілі жұмыстар жүргізіп жатқанын атап өтті.
Мәселен, 2023 жылға халықты жұмыспен қамтудың белсенді нысандарына жәрдемдесуге бағытталған аумақтарды дамыту жоспарында 1 045 жаңа жұмыс орнын құру көзделген. Іс жүзінде 1 061 жаңа жұмыс орны құрылды, оның 844-і тұрақты, 217-сі уақытша және маусымдық.
Ұлттық жобаларды іске асыру шеңберінде 21 инфрақұрылымдық жоба бойынша Шортанды ауданында 243 жұмыс орнын құру жоспарланды, іс жүзінде 2024 жылғы 1 қаңтарға 251 жаңа жұмыс орны немесе 103,3% құрылды.
2024 жылғы 1 қаңтарға қылмыстық жазаларды және өзге де қылмыстық-құқықтық ықпал ету шараларын орындайтын мекемелердің қызметіне көмектесу, сондай-ақ Шортанды ауданы әкімдігінің жанындағы қылмыстық жазасын өтеп жатқан адамдарға әлеуметтік және өзге де көмекті ұйымдастыру жөніндегі комиссияның төрт отырысы өткізілді. Шортанды ауданының пробация қызметі бөлімі мен халықты жұмыспен қамту орталығының бірлескен жұмысының нәтижесінде қылмыстық-атқару инспекциясы пробация қызметінің есебінде тұрған 10 адамды және бас бостандығынан айыру орындарынан босатылған, олардың барлығы жұмысқа орналасқан адамдарды жұмысқа орналастыру мәселесі бойынша жүгінді.
Халықты жұмыспен қамту орталығына 2024 жылғы 1 қаңтарға мүгедектігі бар 16 адам еңбек делдалдығына жүгінді. Барлығы жұмысқа орналастырылды: 1 адам жұмыс орындарының квотасы бойынша, 2 адам грант алды, 3 адам қоғамдық жұмыстарға қатысты, 1 адам жастар практикасына, 1 адам әлеуметтік жұмыс орындарына, 1 адам бірінші жұмыс орнын алды, 7 адам бос жұмыс орындарына орналастырылды.
2024 жылғы 1 қаңтарға «Еңбекші көшіп келушіге рұқсат беру, ұзарту және кері қайтарып алу» мемлекеттік қызметін көрсету туралы 255 өтініш қабылданды, оның ішінде 162 рұқсат берілді, 93 ұзартылды.
Мүгедектігі бар адамдардың саны 1 052 адамды құрайды, оның ішінде мүгедектігі бар балалар саны - 103 құрайы.
2023 жылы мүгедектігі бар адамдарға әлеуметтік қызметтер порталы арқылы барлығы 333 оңалтудың техникалық құралдары берілді, оның ішінде 23 кресло-арба, 46 ортопедиялық құрал, 8 тифло құрал, 3 сурдо құрал, 232 гигиеналық құрал, 21 санаторий-курорттық емдеуге жіберілді.
Арнаулы әлеуметтік қызметтер көрсетуді үйде күтім жасау жөніндегі әлеуметтік көмек бөлімшесі жүзеге асырады. Қызмет көрсетуде 24 адам, оның ішінде 20 қарт - барлық зейнеткерлер, 1 және 2 топтағы мүгедектігі бар 2 адам, 18 жастан асқан психоневрологиялық аурулары бар мүгедектігі бар 1 адам, ТҚА бұзылған мүгедектігі бар 1 бала бар. 6 ауылдық округте 9 әлеуметтік қызметкер қызмет көрсетеді.
Есепті кезеңде аудандық бюджеттен аудандық комиссияның шешімі бойынша жалпы сомасы 37 960,9 мың теңгеге 2 332 адам материалдық көмек алды.
Аудан бойынша іс-шаралар жоспарына сәйкес 12 әлеуметтік маңызы бар нысан мүмкіндігі шектеулі жандардың қол жетімділігіне бейімделген .
Атаулы әлеуметтік көмек (АӘК) 24 отбасына тағайындалды, оның ішінде шартты ақшалай көмек 18 отбасына тағайындалды және төленді, 6 отбасына шартсыз ақшалай көмек.
Жұмыспен қамтудың белсенді шараларына тартылған шартты ақшалай көмек (ШАК) алушылардың үлесі 2023 жылы ШАК еңбекке қабілетті алушылардың жалпы санынан - 64,3% құрайды. 2023 жылы бір алушыға АӘК орташа мөлшері 8 551 теңгені құрады.
Кепілді әлеуметтік пакет (КӘП) бір жастан алты жасқа дейінгі балалары бар АӘК алушылар қатарындағы аз қамтылған отбасыларға беріледі. Мәселен, атаулы әлеуметтік көмекті тағайындау кезеңіне есепті кезеңде 1,5 АЕК мөлшерінде МӘК 1 128,2 мың теңге сомасына 34 балаға тағайындалды.
2024 жылғы 1 қаңтарға АӘК 9 586,1 мың теңге сомасында тағайындалды және төленді, оның ішінде облыстық бюджеттен 6 956,4 мың теңге және аудандық бюджеттен 2 629,7 мың теңге.
Мүгедектігі бар 12 балаға 756,0 мың теңге сомасында үйде оқытуға жұмсалған шығындарды өтеу жүргізілді.
Айта кету керек, әлеуметтік көмек мұқтаж азаматтардың жекелеген санатына жергілікті өкілді органның шешімі бойынша да көрсетіледі.
Сонымен қатар, жұмыстағы оң өзгерістермен қатар, белгілі бір проблемалар да сақталады. Халықты қолжетімді әлеуметтік бағдарламалар мен қызметтер туралы ақпараттандырудың жеткіліксіздігі байқалады. Көбінесе әлеуетті қызмет алушылар өздерінің әлеуметтік көмекке құқықтары мен мүмкіндіктері туралы ақпаратқа ие болмайды, бұл ресурстардың біркелкі бөлінбеуіне және қаражаттың ұтымсыз пайдаланылуына әкеледі.
Облыстық және аудандық бюджеттерден қомақты қаржыландыруға қарамастан, халықтың әлеуметтік көмекке қол жеткізуді шектеуге немесе көрсетілетін қызметтер көлемін қысқартуға әкеп соғатын шектеулі бюджеттік ресурстар туралы шағымдары келіп түседі. Мәселен, бірнеше жыл бойы «Д» есебінде тұрған онкологиялық науқастарға әлеуметтік көмек көрсету бойынша қаржыландырудың жеткіліксіздігі байқалады. Бұл мұқтаж азаматтарды қолдаудың жеткіліксіз деңгейіне әкелуі және олардың әлеуметтік жағдайын нашарлатуы мүмкін.
Әлеуметтік көмекті есептеу үшін азаматтарға (отбасыларға) бастапқы деректерді алу мәселесінде кенттер мен ауылдық округтер әкімдерінің «Жұмыспен қамту және әлеуметтік бағдарламалар бөлімі» ММ-мен өзара іс-қимылы жоқ.
Округ әкімдері жалғыз тұратын және көмекке мұқтаж азаматтарды анықтау, тұрғын үй жағдайларын тексеру бойынша жұмысты нашар жүргізуде.
Мүмкіндігі шектеулі жандарға қол жеткізу үшін әлеуметтік маңызы бар объектілерді бейімдеу бойынша жұмыстар баяу қарқынмен жүргізілуде. Жергілікті атқарушы органдар тарапынан мүгедектігі бар адамдар мен халықтың өзге де мобильділігі төмен топтары үшін орта құруды ескере отырып, жаңа объектілер салу кезінде мемлекеттік нормативтердің сақталуы жөнінде тиісті бақылау жоқ.
Жоғарыда айтылғандардың негізінде депутаттық өкілеттік және әдеп, жастар ісі, ұлтаралық қатынастар, тұрғындардың денсаулығын қорғау, білім беру, мәдениет, заңдылық және құқық тәртібін сақтау мәселелері жөніндегі тұрақты комиссиясы ҚАУЛЫ ЕТЕДІ:
1. «Жұмыспен қамту және әлеуметтік бағдарламалар бөлімі» ММ басшысы Т.А. Сытниктың ақпараты назарға алсын.
2. Шортанды ауданының әкімдігіне уәкілетті органдармен бірлесіп ұсынылсын:
- Жұмыспен қамту және әлеуметтік бағдарламалар саласындағы мемлекеттік саясаттың негізгі бағыттарын іске асыру, жұмыссыздық деңгейін төмендету, кедейлік ауқымын қысқарту және мүгедек адамдарды оңалту, сондай-ақ Шортанды ауданында халықтың әртүрлі топтары мен санаттарына сапалы әлеуметтік қызметтер көрсету жөніндегі жұмысты жалғастырсын;
-мемлекет, ҮЕҰ және жеке құрылымдар тарапынан халықтың әлеуметтік осал топтарын әлеуметтік қолдаудың қолданыстағы нысандары туралы ақпарат тарату бойынша белсенді ақпараттық-насихаттау жұмыстарын жүргізсін;
- «Д» есебінде тұрған онкологиялық науқастарға 100% әлеуметтік көмек көрсетудің қаржылық мүмкіндігін іздестірсін;
- қысқа мерзімде «Шортанды аудандық мәслихатының 2023 жылғы 20 қарашадағы № 8С – 10/3 «Шортанды ауданының әлеуметтік көмек көрсету, оның мөлшерін белгілеу және мұқтаж азаматтардың жекелеген санаттарының тізбесін айқындау қағидаларын бекіту туралы» шешіміне өзгеріс енгізу туралы» мәселені дайындап және сессияны бекітуге енгізу жөніндегі іс-шараларды аяқтасын;
- аудан кәсіпкерлерімен бірлесіп бос орындар жәрмеңкесін өткізуді тұрақты ұйымдастырсын;
- жергілікті атқарушы органдар тарапынан қолдауды қамтамасыз ету арқылы халықтың әлеуметтік осал топтарының шағын бизнеске қатысуына қол жеткізуді қамтамасыз етсін;
- оның экономикалық орындылығын, өңірлік ерекшелігін, ауылдық жерлерде қоғамдық жұмыстарды жандандыруды ескере отырып, қоғамдық жұмыстарды ұйымдастырсын;
- үкіметтік емес ұйымдардың (ҮЕҰ) көмегімен мемлекеттік атаулы әлеуметтік көмекке қаражаттың іске асырылуына мониторинг жүйесін ұйымдастырсын;
жалғызбасты қарттарға күтім жасау бойынша үкіметтік емес және басқа да ұйымдарды тарту жөніндегі жұмысты жандандырсын;
- өнеркәсіптің, көліктің, байланыстың, құрылыстың және басқа да кәсіпкерлердің ірі кәсіпорындарын тарта отырып, қайырымдылық іс-шаралар нысанында халықтың аз қамтылған топтарына әлеуметтік көмек жүйесін белсенді дамытсын;
- әлеуметтік саланың маңызды мәселелерін шешу кезінде халықтың әлеуметтік осал топтарының өкілдерімен консультациялар өткізуді практикаға енгізін;
- аумақтарды дамытудың басым бағыттарын айқындау, сондай-ақ көрсетілетін көмектің мониторингін ұйымдастыру және тиімділігін бағалау кезінде халықтың әлеуметтік осал топтарының пікірін ескерсін;
- мүгедектігі бар адамдарды оңалту және олардың мемлекеттік стандарттарға сәйкес әлеуметтік инфрақұрылым объектілеріне қолжетімділігі жөніндегі іс-шаралардың орындалуын қамтамасыз етсін;
- мүгедектерді оңалтудың жеке бағдарламасын ескере отырып, мүгедектігі бар адамдар мен мүгедектігі бар балаларды қызметтердің барлық түрлерімен толық қамтуға назар аударсын.
3. «Жұмыспен қамту және әлеуметтік бағдарламалар бөлімі» ММ ұсынылсын:
- аудан халқын жұмыспен қамтуға жәрдемдесуді қамтамасыз ету мақсатында Шортанды ауданының Мансап орталығымен өзара ынтымақтастықты жалғастырсын;
- жұмыс орындарын босату және қысқарту тәуекелдері бар ұйымдардың мониторингін жүзеге асырсын;
- арнаулы әлеуметтік қызметтер көрсететін субъектілерді кадрлық қамтамасыз етуді, әлеуметтік қызметкерлерді кәсіптік даярлауды, қайта даярлауды және олардың біліктілігін арттыруды ұйымдастырсын;
- аудан халқының арнаулы әлеуметтік қызметтерге қажеттіліктеріне тұрақты негізде талдау жүргізсін;
- «Құрылыс бөлімі» ММ мен «Жер қатынастары, сәулет және қала құрылысы бөлімі» ММ бірлесіп әлеуметтік маңызы бар объектілерге қол жеткізуді қамтамасыз ету жөніндегі жұмысты жандандырсын, сондай-ақ мүгедек адамдар мен халықтың өзге де мобильділігі төмен топтары үшін орта құруды ескере отырып, объектілерді салу кезінде мемлекеттік нормативтердің сақталуын бақылауды қамтамасыз етсін;
- «Шортанды аудандық ауруханасы» ШЖҚ МКК-мен бірлесіп:
1) мұқтаж азаматтардың жекелеген санаттарына медициналық және әлеуметтік қызмет көрсетуді жетілдіру жөнінде шаралар қабылдау, халықты арнаулы әлеуметтік қызметтер туралы белсенді хабардар ету;
2) оңалтудың жеке бағдарламасы бар мүгедектігі бар барлық адамдарды толық қамту үшін Қазақстан өңірлерінің әртүрлі санаторийлерінде санаторий-курорттық емдеуге арналған санаторийлер желісін кеңейту мүмкіндігін зерделесін;
3) ерекше қажеттіліктері бар адамдар үшін барлық денсаулық сақтау объектілерін толық бейімдеу мәселелерін (көру, есту қабілеті нашар адамдар, арбашы адамдар, тірек-қимыл аппараты мүгедектері бар адамдар) бақылауда ұстасын.
4. Осы қаулының орындалуын бақылау депутаттық өкілеттік және әдеп, жастар ісі, ұлтаралық қатынастар, тұрғындардың денсаулығын қорғау, білім беру, мәдениет, заңдылық және құқық тәртібін сақтау мәселелері жөніндегі тұрақты комиссияға жүктелсін.
Тұрақты комиссияның
төрағасы Ғ. Даитова