Ана мен бала денсаулығын қорғау шараларының ауданда орындалу барысы жайлы
«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы №148 Заңын басшылыққа ала отырып, «Ана мен бала денсаулығын қорғау шараларының ауданда орындалу барысы жайлы» Шиелі аудандық көп бейінді орталық ауруханасының бас дәрігері Әбілпатта Алмас Әбдіғаппарұлының хабарламасын тыңдап, жан-жақты талқылап, Шиелі аудандық мәслихаты ШЕШІМ ҚАБЫЛДАДЫ:
Шиелі ауданына геронтолог дәрігер маманы штатын ашуға жұмыс жасау;
маман тапшылығын азайту мақсатында қажетті дәрігерлерді қайта даярлап, оларды жаңа емдеу әдістері мен инновациялық технологияларды игеруге үздіксіз оқыту жүйесін қамтамасыз ету;
елді мекендердегі медицина ғимараттары мен автокөліктерді жаңалауға жұмыс жасау;
Жиделіарық елді мекеніндегі фельшерлік амбулаториялық пунктке қосымша құрылыс қосуға және Тұрсынбай датқа елді мекеніне жедел жәрдем автокөлігін алуға жұмыс жасау;
жүкті әйелдердің перенатальды скринингпен қамтылуын, соның ішінде туа бітті ақаулармен туылған нәрестелерге жүйелі анализ жасап отыру. Перенатальды скринингті меңгерген УДЗ мамандарын дайындау;
көрсетілетін медициналық көмек сапасын жетілдіре отырып, аудандағы ана мен бала денсаулығын нығайту және сақтау жұмыстарын жоғары деңгейде жүргізу тапсырылсын.
Аудандық мәслихат
төрағасы А.Жандарбеков