Рудный қаласы әкімдігінің бірлескен қаулысы және Рудный қалалық мәслихаты шешімінің жобасы

 

 

Рудный қаласы әкімдігінің бірлескен қаулысы және

Рудный қалалық мәслихаты шешімінің жобасы

 

Рудный қаласы азаматтарының жекелеген санаттарына

қала маңындағы қоғамдық көлікте (таксиден басқа) жол жүру үшін

жеңілдіктер белгілеу туралы

 

 

         «Қазақстан Республикасындағы көлік туралы» Қазақстан Республикасы Заңының 13-бабына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңына       сәйкес Рудный қаласының әкімдігі ҚАУЛЫ ЕТЕДІ және Рудный қалалық мәслихаты ШЕШТІ:

1. Рудный қаласы азаматтарының келесі санаттарына қала маңындағы қоғамдық көлікте (таксиден басқа) тегін жол жүру түріндегі жеңілдік белгіленсін:

         1) Ұлы Отан соғысының қатысушылары мен мүгедектігі бар адамдарына;

         2) басқа мемлекеттердің аумағындағы ұрыс қимылдарының ардагерлеріне;

         3) жеңілдіктер бойынша Ұлы Отан соғысының ардагерлеріне теңестірілген ардагерлерге;

         4) он сегіз жасқа дейінгі мүгедектігі бар балаларға;

         5) «Алтын алқа» және «Күміс алқа» алқаларымен наградталған немесе бұрын «Батыр Ана» атағын алған, сондай-ақ І және ІІ дәрежелі «Ана даңқы» ордендерімен наградталған көпбалалы аналарға;

         6) бірінші және екінші топтағы мүгедектігі бар адамдарға.

2. Рудный қаласы азаматтарының келесі санаттарына қала маңындағы қоғамдық көлікте (таксиден басқа) жол жүру үшін бекітілген тариф құнынан 10 теңгеге кем мөлшерде жеңілдікпен жол жүру белгіленсін:

         1) жасы бойынша зейнеткерлерге;

         2) үшінші топтағы мүгедектігі бар адамдарға.

3. Рудный қаласы азаматтарының келесі санаттарына қала маңындағы қоғамдық көлікте (таксиден басқа) жол жүру үшін бекітілген тариф құнынан 50% мөлшерде жеңілдікпен жол жүру белгіленсін:

         1) 7 жастан 15 жасқа дейінгі балаларға;

         2) 15 жастан 18 жасқа дейінгі адамдарға.

4. Осы бірлескен Рудный қаласы әкімдігінің қаулыcы мен Рудный қалалық мәслихатының шешімі оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

 

 

Лауазымы	Т.А.Ә.
Лауазымы	Т.А.Ә.

 

Дата публикации

23 апреля 2024