31.03.2025 жыл.№83-25-02-09/48-И
Райымбек ауданы әкімдігінің
«Тұрғын үй коммуналдық шаруашылық және тұрғын үй инспекциясы» бөлімі ММ-нің басшысы Б.М.Себдайырға
Депутаттық сауал
«AMANAT» партиясы Райымбек аудандық филиалы қоғамдық қабылдау бөлмесінің кестесіне сәйкес Райымбек ауданына қарасты елді мекендерде ай сайын көшпелі қабылдаулар өткізіп, қоғамдық қабылдауға келген азаматтардың арыз-шағымдарын тыңдайды. Шәлкөде ауылдық округіне қарасты Шәлкөде ауылында өткен қоғамдық қабылдау барысында осы елді мекен тұрғыны Д.Оразай Шәлкөде ауылының бірнеше жылдан бері шешілмей отырған ауыз су жүйесінің қашан аяқталатындығы жөнінде мәселе көтерді.
Бұл мәселе маған сенім артып, дауыс берген сайлаушыларымның да қашан барсам да көтеретін жан айқайы. Осыған орай осы мәселені шешуге байланысты қандай жұмыс атқарып жатқандарыңыз және осы мәселе түбегейлі қашан шешілетіндігі жөнінде ақпарат берсеңіз. Заңнама талаптарына сәйкес депутаттық сауалға жазбаша жауап беруіңізді сұраймын.
Райымбек аудандық мәслихат депутаты,
«AMANAT» партиясы Райымбек аудандық
филиалының төрағасы Г. Арипова