20.01.2023
Қазақстан Республикасы мәслихаттары депутаттарының
кезектен тыс сайлауын тағайындау туралы
"Қазақстан Республикасындағы сайлау туралы" 1995 жылғы 28 қыркүйектегі Қазақстан Республикасы Конституциялық заңының 12-бабының 14) тармақшасына, 101-бабының 3-тармағына, 103-бабының 7-тармағына, 104-бабының 8-тармағына сәйкес және "Барлық мәслихаттардың өкілеттіктерін мерзімінен бұрын тоқтату туралы" Қазақстан Республикасы Президентінің 2023 жылғы 19 қаңтардағы № 105 Жарлығы негізінде Қазақстан Республикасының Орталық сайлау комиссиясы ҚАУЛЫ ЕТЕДІ:
- Қазақстан Республикасы мәслихаттары депутаттарының кезектен тыс сайлауы 2023 жылғы 19 наурызға тағайындалсын.
- Мәслихат депутаттығына кандидаттарды ұсыну және өзін-өзі ұсыну мерзімі 2023 жылғы 20 қаңтардан бастап және 2023 жылғы 8 ақпанда жергілікті уақыт бойынша он сегіз сағатқа дейін белгіленсін.
- Партиялық тізімдерді, кандидаттарды тіркеу мерзімінің аяқталуы 2023 жылғы 18 ақпанда жергілікті уақыт бойынша сағат он сегізде белгіленсін.
- Облыстардың, республикалық маңызы бар қалалардың, республика астанасының, қалалардың, аудандардың аумақтық сайлау комиссиялары Қазақстан Республикасы мәслихаттары депутаттарының сайлауын дайындауды және өткізуді қамтамасыз етсін.
- Осы қаулы Қазақстан Республикасы Орталық сайлау комиссиясының интернет-ресурсында орналастырылсын.
|
Төраға
|
Н. Абдиров
|
|
Хатшы
|
М. Ерман
|
Астана қаласы,
2023 жылғы 20 қаңтар,
№ 18/669