Ертіс аудандық мәслихатының 2024 жылғы 25 желтоқсандағы "2025 – 2027 жылдарға арналған Ертіс аудандық бюджеті туралы" № 108-29-8 шешімі

                      Қазақстан Республикасы

Нормативтік құқықтық актілердің

эталондық бақылау банкіде

2024 жылдың 27 желтоқсан күні жарияланды

Қазақстан Республикасы

Нормативтік құқықтық актілердің

мемлекеттік тіркеу тізілімінде

№ 204694 енгізілген 

 

 

Ертіс аудандық мәслихатының ШЕШІМІ

2024 жылғы 25 желтоқсан   № 108-29-8

 

2025 – 2027 жылдарға арналған Ертіс аудандық бюджеті туралы

  

          Қазақстан Республикасының Бюджет кодексінің 75-бабы 2-тармағына, Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6-бабы                            1-тармағының 1) тармақшасына сәйкес, Ертіс аудандық мәслихаты ШЕШІМ ҚАБЫЛДАДЫ:

1. 2025 – 2027 жылдарға арналған аудандық бюджеті тиісінше
   1, 2 және 3-қосымшаларға сәйкес, соның ішінде 2025 жылға арналған келесі көлемдерде бекітілсін:

          1) кірістер – 7375189 мың теңге, соның ішінде:

салықтық түсімдер – 1366853 мың теңге;

салықтық емес түсімдер – 22369 мың теңге;

негізгі капиталды сатудан түсетін түсімдер – 2775 мың теңге;

трансферттер түсімі – 5983192 мың теңге;

2) шығындар – 7375189 мың теңге;

3) таза бюджеттік кредиттеу – 48118 мың теңге, соның ішінде:

бюджеттік кредиттер – 82572 мың теңге;

бюджеттік кредиттерді өтеу – 34454 мың теңге;

4) қаржы активтерімен операциялар бойынша сальдо – нөлге тең;

5) бюджет тапшылығы (профициті) – -48118 мың теңге;

6) бюджет тапшылығын қаржыландыру (профицитін пайдалану) –
48118 мың теңге.

2. 2025 жылға арналған Ертіс аудандық бюджетінде 1054502 мың теңге сомасында облыстық бюджеттен берілетін субвенция көлемі көзделсін.
3. Аудандық бюджеттен Ертіс ауданының ауылдар және ауылдық округтерінің бюджеттеріне берілетін субвенциялар көлемі 2025 жылға арналған аудан бюджетінде жалпы сомасы 347032 мың теңге көзделсін, соның ішінде:

Ағашорын ауылдық округі –21956 мың теңге;

Аманкелді ауылдық округі – 28300 мың теңге;

Байзақов ауылдық округі – 29944 мың теңге;

Голубовка ауылы – 31470 мың теңге;

Ертіс ауылы –35981 мың теңге;

Қарақұдық ауылдық округі – 33311 мың теңге;

Қоскөл ауылдық округі – 24433 мың теңге;

Қызылжар ауылдық округі – 28080 мың теңге;

Майқоңыр ауылы – 29014 мың теңге;

Панфилов ауылдық округі – 30676 мың теңге;

Северный ауылдық округі –23565 мың теңге;

Сілеті ауылдық округі – 30302 мың теңге.

4. 2025 жылға арналған аудандық бюджетінде Ертіс ауданының ауылдар және ауылдық округтерінің бюджеттеріне берілетін нысаналы ағымдағы трансферттер келесі көлемдерінде ескерілсін:

260 мың теңге – азаматтық қызметшілердің жекелеген санаттарының, мемлекеттік бюджет қаражаты есебінен ұсталатын ұйымдар қызметкерлерінің, қазыналық кәсіпорындар қызметкерлерінің жалақысын көтеруге;

110887 мың теңге – «Ауыл – Ел бесігі» жобасы шеңберінде ауылдық елді мекендердегі әлеуметтік және инженерлік инфрақұрылым бойынша
іс-шараларды іске асыруға»;

4417 мың теңге – ауылдық елді мекендердегі көше жарығын ағымдағы жөндеуге;

32000 мың теңге - ауылдық елді мекендерді абаттандыру бойынша іс - шаралар өткізуге;

327885 мың теңге - ауылдық елді мекендер көшелерінің автомобиль жолдарын күрделі және орташа жөндеуге.

5. Ертіс ауданының ауылдар және ауылдық округтерінің бюджеттеріне нысаналы трансферттердің көрсетілген сомасын үлестіру аудан әкімдігінің қаулысы негізінде анықталады.
6. Аудандық жергілікті атқарушы органның 2025 жылға арналған резерві 13034 мың теңге сомасында бекітілсін.
7. Осы шешім 2025 жылғы 1 қаңтардан бастап қолданысқа енгізіледі.

 

 Ертіс аудандық мәслихатының төрағасы                                         Б. Шингисов 

1 қосымша

2 қосымша

3 қосымша