Павлодар аудандық мәслихаты
1994 – 2024 жылдар
Биыл еліміздің мәслихаттарының тарихының бастау алғанына отыз жыл толып отыр. Осы жылдар ішінде өкілді органдар институционалды түрде қалыптасып, өздерін сайлаушылар мүдделерінің шынайы демократиялық«жолсерігі»ретінде көрсетті және реформалық бағытқа деген адалдықтарын растады.
Өткен жылдары аудандық мәслихаттың сегіз шақырылымының құрамына баламалы негізде өндіріс, ауыл шаруашылығы, денсаулық сақтау, ғылым, білім және мәдениет салаларының көптеген көрнекті өкілдері, кәсіподақ қайраткерлері сайланды… Айта кету керек, олардың көпшілігі өздерін қоғам қайраткерлері, түрлі дәрежедегі басшылар ретінде табысты жүзеге асырды, өңірдің әлеуметтік-экономикалық дамуына елеулі үлес қосты.
1994 жылы 7 наурызда елде жергілікті өкілді билік органдарына — мәслихаттар-депутаттар жиналыстарына алғашқы сайлау өтті. Ал 29 наурызда бірінші шақырылған Павлодар аудандық мәслихатының бірінші ұйымдастыру сессиясы өтті, онда сайлау комиссиясы 5 жылдық өкілеттік мерзімімен 25 депутаттың өкілеттігін растады, оның ішінде: Т. Арипбаев, Б. Байғожинов, Т. Баймағамбаев, Қ. Баширов, С. Богомолов, Р. Духан, Қ. Қабылбеков, М. Қамшук, М. Қаратаева, А. Қасымов, К. Касьянова, И. Колодий, К.Құсайынова, А. Мақаш, В. Мягкий, Б. Оралов, В. Песоцкий, Б. Рахимова, А. Роут, С. Сартов, Г. Семенченко, К. Смағұлов, Ж. Тілепбергенов, Ф. Фридрих, К. Шайгазин. Тексеру (Б.Баширов) және төрт тұрақты комиссия сайланды: бюджет (В. Мягкий), аграрлық саясат және экология (И. Колодий), заңдылық, құқықтық тәртіп және азаматтардың өтініштері (Т. Баймағамбаев), әлеуметтік саясат (Ж. Тілепбергенов).
Бірінші, екінші, үшінші және бесінші шақырылған аудандық мәслихаттың хатшысы болып депутат Б.Ораловсайланды, үшінші шақырылымның – депутат Ж. Нұрғалиев. төртінші– Т. Қожахметов, алтыншы– Қ. Байжанов, А. Шайхимов, жетінші – А.Шайхимов, В. Гейнц, сегізінші (қазіргі) – Ж. Шұғаев. Олар ауданда ғана емес, облыста да танымал, көптеген жылдар бойы өкілді және атқарушы органдарда табысты жұмыс істеген, үлкен практикалық және өмірлік тәжірибесі бар адамдар.
Әрине, аталған мәслихат басшылармен және басқа да белсенді депутаттармен жылдар ішінде көптеген жақсы дәстүрлер мен бастамалар қаланды. Бұл ретте жинақталған тәжірибе шақырылымнан шақырылымға үзілмеуде, өйткені депутаттардың едәуір бөлігін жерлестері, сенім артып, бірнеше жыл қатарынан қайта сайлап келеді.
Еліміз дамып, айналадағы өмір де өзгере бастады, сол себепті әр шақырылымдағы мәслихат та әрқашан экономика мен қоғамдағы келелі мәслелер жөнінде хабардар болды және болып қала бермек. Бірінші шақырылымдағы депутаттар үшін (1994-1999 жылдар) халықты әлеуметтік қорғау, аса мұқтаж санаттар: зейнеткерлер, ардагерлер, мүгедектер үшін атаулы әлеуметтік көмек мәселелері бірінші кезекте тұрды. Бірінші және одан кейінгі үш сессияда мәслихаттың бірінші шақырылымын ұйымдастыру, халықты әлеуметтік қолдау, ауылдардағы бюджеттік ұйымдардың қызметін қамтамасыз ету мәселелері талқыланды. Сонымен қатар экономиканы, ТКШ жүйесін реформалаумен, АӨК-ті қайта ұйымдастырумен, мемлекеттік мүлікті мемлекет меншігінен алу және жекешелендіру, аудандық бюджеттің кіріс бөлігін толықтыру мәселелерімен айналысу қажет болды.
Осылайша «жергілікті парламентаризм»институтының біртіндеп қалыптасуы жүре бастады. Кейбір депутаттар негізгі міндет - материалдық игіліктерді бөлу емес, нарықтық қатынастарды қалыптастыру, экономиканың нақты секторы мен әлеуметтік саланың тұрақты дамуы үшін жағдай жасау екенін әлі түсінбеген еді. Қазақстанда уақыт өте келе мәслихаттардың функцияларын нақтылайтын және оның депутаттарына өңірдің негізгі проблемаларын және оларды тиімді шешу жөніндегі өз мүмкіндіктерін айқындауға мүмкіндік беретін елеулі өзгерістер болды.
Біз сол уақытқа қатысты кейбір проблемалар туралы ұмытып та кеттік, басқалары әлі күнге дейін өзектілігін жоғалтпайды, ал тұтастай алғанда, алғашқы үш шақырылымдағы мәслихат депутаттары жұмысының ерекшелігі оның жаңа, жас тәуелсіз мемлекет — Қазақстан Республикасының құрылысын бастау және жалғастыру жағдайында өткендігінде болды.
2 шақырылған Павлодар аудандық мәслихатына сайлау 1999 жылдың қыркүйегінде өтті, оған 12 депутат сайланды: Т.Арипбаев, Қ. Баширов, В. Видман, Р. Духан, К. Закарьянов, Қ. Кабылбеков, К. Қарақұлова, И. Колодий, А. Мақаш, Б. Оралов, В. Пашпекин, Е. Шрейдер. Екі тұрақты және тексеру комиссиясы құрылды, оларды тиісінше Т.Арипбаев, Қ. Қабылбеков және Қ. Қарақұлова басқарды. Луганск және Шақат сайлау округтерінен екі депутат шықғып қалғаннан кейін П.Кузьменко мен Б. Канкин сайланды.
3 шақырылған Павлодар аудандық мәслихатын өз жұмысын 2003 жылғы 19 қазанда бірінші сессияда бастады. Депутаттық корпусқа: Қ. Баширов, В.Бондарь, Р. Духан, Т. Қайтаев, Б. Канкин, П. Кузьменко, С. Ниязов, Б. Оралов, С. Смағұлов, Е. Темірғалиев, Б. Файзулин, Г. Шагиров кірді. Әлеуметтік-экономикалық даму және бюджет мәселелері бойынша тұрақты комиссиялар (Төраға П.Кузьменко), агроөнеркәсіптік кешен және экология мәселелері бойынша (Е. Темірғалиев), тексеру комиссиясы (Қ. Баширов) құрылды. Мемлекеттік қызмет жүйесінің дамуымен депутаттар қоғамдық-саяси қызметте жеткілікті тәжірибеге ие бола отырып, мемлекеттік атқарушы органдарға жұмысқа ауыса бастады. Осылайша, аталған шақырылымның үш депутаты ауылдық округтердің әкімдері болды. Үшінші сайлауға қосымша сайлау нәтижесінде депутаттар болып С.Абдуллин, Б. Асылбеков, Ж. Нұрғалиев, С. Нұрғалиев сайланды.
2007 жылғы 18 тамызда барлық деңгейдегі мәслихаттар депутаттарының сайлауы өтті, ал 3 қыркүйекте жаңа төртінші шақырылымның бірінші сессиясы өтті, оның құрамына депутаттар кірді: С. Абдуллин, С. Байболатов, М. Баткеев, Б. Бейсенов, В. Гейнц, Р. Духан, Б. Канкин, Т. Қожахметов, В. Литвин, Ж. Нұрғалиев, С. Нұрғалиев, Е.Темірғалиев. Тұрақты комиссиялардың жұмысын С.Абдуллин (әлеуметтік-экономикалық саясат және бюджет мәселелері), С. Нұрғалиев (агроөнеркәсіптік кешен және экология мәселелері), тексеру комиссиясын В. Гейнц басқарды. Заря және Шақат сайлау округтерінен екі депутаттың шығуына байланысты депутаттар болып Қ. Қабылбеков пен Қ. Иманханов сайланды. Төртінші шақырылымның қызметі кезеңінде елде өмірдің барлық салаларына әсер еткен экономикалық дағдарысты (2009 жыл) еңсеру бойынша белсенді шаралар жүргізілді. Біздің мемлекетіміз алғашқылардың бірі болып дағдарысты еңсеру және экономиканы ынталандыру жөнінде озық шаралар қабылдады. Еш бір әлеуметтік бағдарлама қысқартылған немесе жабылған жоқ. Бюджет саласының барлық қызметкерлері уақытында жалақы алды. 2009 жылғы дағдарыс белгілі бір оң нәтижелермен шешілді. Бұнда 4 шақырылым депутаттарының үлесі де бар. Депутаттар дағдарыс жағдайын еңсеруге мәслихат сессияларында шешім қабылдау жөніндегі өз жұмыстарымен ғана қатысқан жоқ. Аудан активімен бірге халықтың әлеуметтік осал топтарын қолдау бойынша қайырымдылық акцияларына белсенді қатысты. Осы уақытта әлеуметтік инфрақұрылым ғимараттарын коммуналдық меншікке қайтару бойынша белсенді науқан басталды. Депутаттардан аудан меншігіне Аққұдық (С.М. Нұрғалиев) және Жаңа қала (Б. А. Оралов) ауылдарындағы клубтық мекемелерді орналастыру үшін ғимараттар берілді.
5 шақырылған мәслихат депутаттары өз қызметін 2012 жылғы 20 қаңтардан бастады. 12 депутат сайланды: А. Абдыманова, К. Айгазинова, Р.Антоненко, Г. Бакжанова, Б. Баткеев, Ж. Бейсембаев, Б. Бейсенов, С. Джартыбаев, М. Керімбаев, Б. Оралов, Е. Темірғалиев, Қ. Шайғазин. Әйелдер мен жастардың өкілдігі айтарлықтай (екіден төртке дейін) ұлғайды (17%). Тұрақты комиссиялардың жұмысын Қ.Шайғазин (әлеуметтік-экономикалық саясат және бюджет мәселелері), Р. Антоненко (заңдылық, құқықтық тәртіп және азаматтардың өтініштері мәселелері), Б. Баткеев (индустриялық-инновациялық даму және экология мәселелері) басқарды. Чернорецк сайлау округінен депутат шығып қалғаннан кейін депутат болып Қ.Байжанов сайланды. Өз уақытында бесінші шақырылымның депутаттары аудан үшін айтулы болған оқиғаларға тікелей қатысты: 2013 жылы - сәуір айында ауданның әкімшілік-аумақтық құрылымын өзгерту, маусым айында аудан әкімі лауазымына тағайындауға келісім беру, тамызда ауыл әкімдерінің барлық жерде жанама сайлауы; 2015 жылы – Қазақстан Республикасы Президентінің сайлауы; 2016 жылы – ауданның қоғамдық кеңесі мен жергілікті полиция қызметінің құрылуы.
Әр шақырылым сайын депутаттардың жалпы жұмыс стилі өзгерді. Бесінші шақырылымдағы депутаттар көп жағдайда әлеуметтік саланы (58%) ұсынды және сәйкесінше әлеуметтік сипаттағы мәселелерді қызу талқылады. Оның үстіне аудан бюджеті әлеуметтік бағдарланған-шығыс бөлігінің 72% - дан астамы. Депутаттық өтініштерге жауап беру мерзімдерін сақтауға, атқарушы органдардың заңнама талаптарын орындауына байланысты мәселелерге көбірек талаптар қойыла бастады. СӨС және спортты насихаттау мақсатында депутаттар өздерінің спорттық командасын құрды, өз қаражаттарына бірыңғай спорт киімін сатып алды, эмблема әзірледі. Дәстүр бойынша депутаттар облыс мәслихаттары арасында волейболдан турнирлерге қатысты. Мәслихаттардың 20 жылдық мерейтойын мерекелеуге арналған іс-шаралар шеңберінде бесінші шақырылым депутаттары өздерінің ұйымдастыру комитетін құрды. Салтанатты шарадан басқа: балық аулау және волейбол бойынша турнирлер, ардагерлермен кездесу өткізілді.
2016 жылы алтыншы шақырылым сайланды. 26 наурызда алтыншы шақырылымның бірінші сессиясында депутаттар өз жұмыстарын бастады: А. Абылгазинова, Қ.Байжанов, Б.Баткеев, Қ. Жетпісов, Г. Қайырбаева, А. Қалышбеков, А. Кашитов, Д. Корепанов, Р. Краснова, В. Левченко, А. Солдатова, Н. Стрельба. В.Левченко (бюджет мәселелері), Г. Қайырбаева (әлеуметтік сала, заңдылық, азаматтардың құқықтарын сақтау мәселелері), Б. Баткеев (экономикалық саясат, индустриялық-инновациялық даму және экология мәселелері) басқарған үш тұрақты комиссия құрылды. Шақат сайлау округінен депутат шығып кеткеннен кейін депутат болып А. Шайхимов сайланып, ол мәслихатты басқару тізгінін өз қолына алып, хатшы болды.
Алтыншы шақырылым қызметінің ерекшелігі тек аудан деңгейінде ғана емес, облыстық деңгейдегі мемлекеттік органдардың қатысуымен де мәселелерді кеңінен талқылау болды. Осылайша бюджеттің төртінші деңгейіненгізу, жер заңнамасы, экология мәселелері талқыланды. Жұртшылықты проблемалық мәселелерді талқылауға тарту жөніндегі жұмыс, оның ішінде ауданның ауылдарына бірлескен сапарлар тұрақты бола бастады. Көшпелі топтардың құрамында: депутаттар, қоғамдық кеңес мүшелері, жергілікті қоғамдастықтар жиналыстарының мүшелері, аудандық БАҚ. Цифрландыруды кеңінен енгізе отырып, депутаттық қызмет интернет-кеңістікте үнемі жариялана бастады: Павлодар аудандық мәслихатының өзінің интернет-ресурсы ресми сайты құрылды, әлеуметтік желілерде жеке парақшалары құрылды. Мәслихат аппаратында процестердің басым бөлігі цифрлық форматқа ауыстырылды: нормативтік құқықтық актілерді тіркеу, өтініштерді қабылдау, кадрларды есепке алу, бухгалтерлік есеп және тағы басқалар.
Алтыншы шақырылым қызметі кезеңінде ауданның әлеуметтік-экономикалық дамуына қолдау көрсету бойынша белгілі бір жұмыс атқарды. Барлық ауылдық округтерде бюджеттің 4 деңгейі енгізілді.
Жергілікті өзін-өзі басқару одан әрі дамыды, ауыл тұрғындары жергілікті маңызы бар мәселелерді шешуге, өз салықтары деп аталатын бюджет қаражатын бөлуге белсенді қатыса бастады. Депутаттар бұл мәселеге белсенді қатысты: түсіндірді, мониторинг жүргізді, өздері жергілікті қоғамдастықтар жиналыстарының құрамына кірді. Бюджет қаражаты есебінен әлеуметтік маңызы бар ірі жобалардың құрылысы жүргізілді: дәрігерлік амбулатория, су құбырлары, ветеринарлық пункттер. Ауылдардың әлеуметтік инфрақұрылымын дамыту бойынша «Ауыл - ел бесігі»бағдарламасы іске қосылды. Депутаттар мониторингтік топтар құрамында барлық құрылыс және күрделі жөндеу нысандарына барып, ескертулер туралы айтып, өз ұсыныстарын енгізді.
Жақсы дәстүр бойынша әрбір депутаттық корпус қандай да бір жобаны іске асырады. Осылайша, 2018 жылы халық қалаулылары Мичурин ауылдық округінде Даңқ Обелискісін жөндеу бойынша өз жобаларын жүзеге асырды, онда Жеңіс күніне орай салтанатты түрде аудандық іс-шара өтті. Бұл жыл аудан үшін ерекше, мерейтойлық жыл болды – Павлодар ауданының 90 жылдығы тойланды. Жыл бойы Астана, Павлодар облысы және біздің ауданымыздың мерейтойлық күндеріне арналған іс-шаралар өткізілді, оған мәслихат депутаттары мен аппараты белсенді қатысты.
7шақырылған мәслихат депутаттары өз қызметін 2021 жылғы қаңтарда бастады. Мәслихаттың бұл шақырылымы тарихта өзінің сайлануының ерекшелігі жәнеқысқа – екі жылдық қызмет етумерзімімен ерекшеленбек. Мәслихаттар құрамы алғаш рет жаңа жүйе бойынша – партиялық тізімдер бойынша сайланды. Мандаттар саны 11 орынға дейін азайтылған Павлодар аудандық мәслихатына үш саяси партияның депутаттары сайланды – «Nur Otan» (қазіргі уақытта «AMANAT») (Баткеев Б.Т., Гейнц В.А., Ильясова Б., Қайырбаева Г.М., Қаржауова Д.Қ., Корепанов Д.В., Тұрлыбай Р.М., Шайхимов А.А., Ямпольская Ю.С.), «Ауыл» (Кабылдинов Ж.Т.), «Ақ жол» (Смағұлов Р.С.). Осы мерзім ішінде үш депутат, барлығы «Nur Otan» партиясынан (қазіргі уақытта «AMANAT») шығарылды. Нәтижесінде олардың орнына партия резервінен Е. А. Асылбеков, М.А. Жұмадиева және А.В. Емцова мәслихатқа кірді.
7 шақырылымда екі тұрақты комиссия құрылды: экономика, бюджет, агроөнеркәсіптік кешен, жер қатынастары, экология мәселелері және әлеуметтік сала мәселелері, азаматтардың құқықтары мен заңды мүдделерін қамтамасыз ету. Осы комиссиялардың төрағалары тиісінше Бақытбек Тілеубайұлы Баткеев және Дариға Қайроллақызы Қаржауова болды. Мәслихаттың бірінші сессиясында «Nur Otan» («AMANAT») партиясының депутаттық фракциясы тіркелді. Жергілікті халық мәселелерін шешуде барлық партиялар өкілдерінің өзара әрекеттесуі үшін ақпан айында мәслихат шешімімен «Nur Otan» («AMANAT») партиясының үш өкілі - Б.Т. Баткеев, Д.К. Қаржауова, Д.В. Корепанов, «Ауыл» партиясының өкілі – Ж.Т.Қабылдинов және«Ақ жол» партиясынан - Р.С. Смағұлов кіретін «Аманат» депутаттық тобы тіркелді жұмыс тобымен ҚР Парламенті депутаттарының (А.В. Бойчин, А. Нухұлы), Ақтоғай, Шарбақты аудандық мәслихаттарының өкілдерінің қатысуымен 4 кеңейтілген отырыс өткізілді. Үлгі-мысалдар келтіре отырып, кәсіпкерлікті дамыту, жеке аулаларды қолдау, «Рухани жаңғыру» бағдарламасын іске асыру мәселелері қаралды.
Қысқа мерзімге қарамастан, мәслихаттың 7 шақырылымы 31 сессия өткізді, оның ішінде 14 сессия онлайн-трансляция режимінде өтті, 190-нан астам мәселе қаралды. Мәслихаттың тұрақты комиссиялары 32 отырыс өткізіп, онда 110-нан астам мәселе қарады. Екі жылдық қызметі аралығында мәслихат тарапынан «Ауыл - ел бесігі» бағдарламасы бойынша жұмыстар жүргізілген төрт ауылдық округ бақылаумен қамтылды. Депутаттар әрбір ауылдық округте мониторингтік топтар құрды, оларға жергілікті қоғамдастықтар жиналыстарының өкілдері енгізілді. Бұл объектілерге жедел баруға, проблемалық мәселелерді уақтылы анықтауға және шешуге мүмкіндік берді.
Мәслихат тарихында ұмытылмас іс-шаралар мен жарқын оқиғалар өз ізін қалдырды:
Павлодар аудандық мәслихатының тарихында алғаш рет мәслихат хатшысы аудан әкімі болды. 2021 жылдың қазан айында Айтұған Абылайұлы Шайхимов Железин ауданының әкімі болып тағайындалды.
Мәслихат хатшысы лауазымы 2023 жылғы қаңтардан бастап мәслихат төрағасына ауыстырылды. Осылайша, алқалы орган – мәслихатты басқаратын адамның мәртебесі бойынша көпжылдық даулар өзінің қисынды қорытындысын тапты.
2022 жылдың көктемінде депутаттар алғашқылардың бірі болып Рождественка және Ефремовка ауылдық округтеріндегі үйлердің су басып кетуіне байланысты көмек көрсетуге қатысты. Бірінші күні Павлодар аудандық мәслихаты Қоғамдық кеңес мүшелерімен, «AMANAT» партиясының аудандық филиалымен бірлесіп судың басып кетуінен зардап шеккендерге алғашқы қажетті көмек көрсету үшін жедел штаб құрды.
Халықаралық қарттаркүні барлық шақырылымдағы депутаттар мен мәслихат аппаратының құрметті жастағы қызметкерлерін құрметтеу жақсы дәстүрге айналды. Мұндай кездесулер жыл сайын қазан айында өткізіледі және, әрине, өз өмірбаянының бір бөлігін Павлодар аудандық мәслихаты құрамындағы қоғамдық қызметке арнаған аудан азаматтарын қуантатыны сөзсіз.
8 шақырылған мәслихат депутаттары өз қызметін 2023 жылғы 30 наурызда бастады.
2022 жылғы саяси реформадан кейін қалалар мен аудандардың мәслихаттарына сайлауда бір мандатты аумақтық сайлау округтері бойынша депутаттарды сайлау жүйесі қайтадан қайтарылды. Аудан мәслихатына сайланды: Байжуманова А.С., Бишель Д.Д., Джумадиева М.А., Корепанов Д.В., Нұрғалиев Н.Т., Смағұлов Р.С., Сегизаева Т.Ж., Ткачук С.С., Унгаров Ғ.С., Усербаева К.А., Шұғаев Ж.Р. депутаттық корпус 70% - дан астам жаңартылды, жастардың едәуір бөлігі келді. Депутаттар Павлодар аудандық мәслихатының төрағасы болып Жанат Рашитұлы Шұғаевты, оның Павлодар ауданының әкімі қызметіндегі орасан зор еңбек тәжірибесін ескере отырып сайлады. М.А. Жұмадиева (әлеуметтік-экономикалық даму және бюджет мәселелері бойынша), А.С. Байжуманова (тұрғын үй-коммуналдық шаруашылық, агроөнеркәсіптік кешен және жер қатынастары мәселелері бойынша) басқарған екі тұрақты комиссия құрылды.
Аудан бюджетін қарау кезінде депутаттар, ең алдымен, сайлауалды кездесулер мен халық алдындағы есептер барысында халықтың айтқан сұрақтарын көтерді. Аудан бюджетін бірінші рет нақтылау кезінде депутаттардың бастамасымен Үміт апа, Достық, Подстепка ауылдарында балалар ойын алаңдарын орнатуға, Қаратоғай және Маралды ауылдарында шағын футбол алаңдарын жайластыруға қаражат бөлінді. Сондай-ақ, депутаттар Ольгинка ауылындағы мәдениет үйінің ғимараты үшін жаңа қатты отын қазандығын сатып алуға және орнатуға бес миллион теңгеден астам сомаға ақшалай қаражат бөлу туралы ұсыныстар енгізді.
Депутаттық корпус «Ауыл - ел бесігі» бағдарламасы объектілерінің мониторингі бойынша жұмысты жалғастырды. Депутаттардың барлық ескертулері орындаушыларға дереу жеткізілді, ал ұсынымдар мен ұсыныстарды орындау қорытындылары тұрақты комиссиялардың отырыстарын өткізу барысында міндетті түрде талқылауға шығарылады. Кентішілік жолдарға көп көңіл бөлінді. Депутаттар Заңғар, Кемеңгер, Новоямышево ауылдарындағы жолдардың жөнделуін бірнеше рет тексерді.
8 шақырылым депутаттары өз қызметінің алғашқы сатысында. Аудан тұрғындарының барлық аманаттарын жүзеге асыру бойынша көптеген жұмыстар атқарылуда.
Павлодар аудандық мәслихатының шешімімен 2000 жылдан бастап Павлодар ауданының әлеуметтік-экономикалық дамуына елеулі үлес қосқан азаматтарға «Павлодар ауданының Құрметті азаматы» атағы беріледі. Осындай адамдардыңқатарында аудандық мәслихат депутаттарының болғаны қуантады. Осы кезеңде аудандық мәслихаттың 13 депутаты құрметті атаққа ие болды: Қ.Б. Баширов, Т. А. Қожахметов, Ж.К. Нұрғалиев, С.Х. Байболатов, Т.А. Арипбаев, Б.А. Оралов, П.П. Кузьменко, В.И. Левченко, Қ.Қ. Кабылбеков, С.М. Нұрғалиев, Қ.Б. Шайгазин, А.А.Макаш, А.И.Солдатова.
Отыз жыл ішінде белгілі бір жетістіктерге қол жеткізілді. Осы жетістіктердің барлығы-өндірістегі және әлеуметтік саладаға күнделікті еңбегімен Павлодар ауданының әлеуметтік-экономикалық дамуына баға жетпес үлес қосатын ауданның барлық тұрғындарының қатысуының нәтижесі. Жергілікті өкілді және атқарушы органдардың міндеті - ауылдық жерлерде өмір сүру сапасын жақсарту, ауданның барлық тұрғындары үшін жайлы өмір сүру ортасын құру.
Павлодар аудандық мәслихатының аппараты