Аққулы ауданы қоғамдық кеңесінің 2024 жылы атқарған жұмысы туралы

Аққулы ауданы қоғамдық кеңесінің 2024 жылы
атқарған жұмысы туралы

Аққулы ауданының Қоғамдық кеңесі өз жұмысын
Қазақстан Республикасының “Қоғамдық кеңестер туралы”
заңын басшылыққа ала отырып, Ережеге сәйкес жұмыс істеді.
Кеңестің басты міндеті қоғамдық маңызды мәселелер
бойынша азаматтық қоғамның мүдделерін білдіру, жергілікті
атқарушы органдармен жергілікті мемлекеттік басқару және
өзін-өзі басқару органдарының азаматтық қоғаммен өзара іс-
қимыл жасауын дамыту.
Құрамында 11 мүшесі бар Аудандық қоғамдық кеңес 2022
жылы 18 ақпанда құрылды, әр-түрлі себептермен құрамына
бірнеше рет өзгерістер енгізілді. Есепті, 2024 жыл көлемінде
жұмыс жоспары бекітіліп, оған сәйкес іс-шаралар өткізілді.
Жыл басынан бастап 9 қоғамдық кеңес отырысы, оның
ішінде 3-уі кезектен тыс өткізілді және 13 қоғамдық кеңес
төралқасының отырыстары өтті. Барлығы 51 сұрақ
қарастырылды, оның ішінде 31 нормативтік-құқықтық актілер
қарастырылып, кеңес мүшелері оң ұсыныстарын берді.
Аудандағы ауыл шаруашылығына арналған жерлердің
тиімді қолданылуы, аудандағы әлеуметтік маңызы бар
нысандар мен салынып жатқан жолдардың сапасы, қоғамдық
тәртіпті қамтамасыз ету және құқық бұзушылықтың алдын
алу, тұрғындарды таза ауыз сумен және үздіксіз жылумен
қамтамасыз ету, аудандағы спорт пен дене шынықтырудың
дамуы, мектеп оқушыларының ақысыз сапалы тамақтануын
қамтамасыз ету, мекемелердің өткізген мемлекеттік сатылым
тауарлары мен қызметтердің сапасы, аудан және ауылдық
округтер бюджеттерінің орындалуы туралы сұрақтар Қоғамдық кеңес отырыстарында қарастырылған мәселелердің
біразы.
2024 жылдың басында Аудан әкімінің «2023 жылғы
Ауданның әлеуметтік-экономикалық дамуы туралы» есебі
тыңдалып, қоғамдық кеңес мүшелері бірталай көкейтесті
мәселелерге жауап алды.
Отырыстарда ауданда мемлекеттік тілдің қолданыс
мәселесі көтеріліп, әлі де болса тіл қолданысында кездесетін
кемшіліктер сынға алынды, өткізілетін мәжілістер,
жиналыстар, жиындарда баяндамалардың және
хаттамалардың 100 пайыз мемлекеттік тілде болуы талап
етіліп, ұсыныстар берілді.
Қоғамдық кеңес мүшелері Жергілікті полиция қызметінің
аудан бойынша қоғамдық тәртіпті қорғауды қамтамасыз ету
және құқық бұзушылықтың алдын алу үшін жасалған
шараларын назарға алып, құқық бұзушылықты болдырмау
үшін барлық мүмкіндіктерді пайдаланып, шараларға ауыл
тұрғындарын кеңінен тартуды және сонымен қатар
азаматтардың конституциялық құқығы мен бостандығын
қамтамасыз етуге ұсыныс жасады.
Аққулы ауданы Қоғамдық кеңес мүшелері 2024 жылы
ауданда «Ауыл - ел бесігі» бағдарламасы бойынша күрделі
жөндеу жүргізілген нысандарды бақылауға алып, олардағы
жұмыстар біткенше мониторинг жасап, қызметтердің сапасы
бойынша мердігерлермен жұмыс жүргізді. Олар: 44986 мың
теңге тұратын Қарақала ауылындағы «Айгөлек» бала
бақшасының күрделі жөндеуі; 53 461,0 тыс. тенге тұратын
«Дене шынықтындыру-сауықтандыру кешенінің құрылысы»
және ауыл ішіндегі ұзындығы 4.5 км, құны 207639,0 мың
теңге тұратын 4 көшенің жолдарын орташа жөндеуден өткізу.
Сондай-ақ, қоғамдық кеңес мүшелері бүкіл елімізде өткен
«Таза Қазақстан» бағдарламасы бойынша Қалатұз көлінің
жағасында экологиялық мониторинг өткізді, демалыс
орындарының басшыларымен кездесіп, демалыс
орындарының санитарлық жағдайы туралы ескертулер жасап,
ұсыныстар берді. «Таза Қазақстан» бағдарламасы бойынша
орталық паркте абаттандыру және жасыл өсімдіктердің күтімі
бақылауға алынып мониторинг жүргізілді.
Жазғытұрым айларында Аудан ішіндегі ауыларалық
қатынаста жүріп тұратын, бюджеттен субсидия бөлінетін
автобус рейстеріне мониторинг жүргізіліп, экономиканың
нақты секторы бөлімімен бірігіп олардың тиімділігі туралы
талдау жасалды.
Ауданда мемлекеттік қызметтер сапасын көтеру мәселесі
әрдайым назарда болуда, ол бойынша мекеме басшылары мен
ауылдық округ әкімдері ақпараттарын қоғамдық кеңеске
ұсынды. Кеңес мүшелерінің тарапынан қызметтер көрсету
бойынша ескертпелер болған жоқ, тек қызмет көрсету
сапасын көтеру ұсыныстары болды.
Қоғамдық кеңестің атқарып отырған жұмыстары жайлы
ақпарат үнемі бұқаралық ақпарат құралдарында және
әлеуметтік жүйелерде жарияланды.
Қазіргі уақытта қоғамдық кеңестердің қызметін
трансформациялау процесі жүріп жатыр. Қоғамдық
кеңестердің халық үшін аса сезімтал мәселелерді қарау мен
шешудегі ұстанымдарын одан әрі күшейту мәселесі өзекті
болып қала береді.
Аудандық қоғамдық кеңес алдағы уақытта осы бағыттарда
жұмыстарын жалғастырады.

Аққулы ауданы Қоғамдық кеңесі
 
Дата публикации
17 февраля 2025