2024-2026 жылдарға арналған аудандық бюджет туралы

2024-2026 жылдарға арналған аудандық бюджет туралы

 

     Қазақстан Республикасының 2008 жылғы 4 желтоқсандағы  Бюджет кодексінің 9 бабының 2 тармағына, 75 бабының 2 тармағына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 6 бабының 1 тармағының 1) тармақшасына және Түркістан облыстық мәслихатының 2023 жылғы 13 желтоқсандағы № 7/85-VIII «2024-2026 жылдарға арналған облыстық бюджет туралы» шешіміне сәйкес,  Отырар аудандық мәслихаты ШЕШІМ ҚАБЫЛДАДЫ:

1. Отырар ауданының 2024-2026 жылдарға арналған аудандық бюджеті тиісінше 1, 2 және 3 қосымшаларға сәйкес, оның ішінде 2024 жылға мынадай көлемде бекітілсін:

1) кірістер – 8 158 129 мың теңге:

салықтық түсімдер – 2 635 091 мың теңге;

салықтық емес түсімдер – 17 969 мың теңге;

негізгі капиталды сатудан түсетін түсімдер – 1 962 мың теңге;

трансферттер түсімі – 5 503 107 мың теңге;

2) шығындар – 8 158 129 мың теңге;

3) таза бюджеттік кредиттеу – 44 539 мың теңге:

бюджеттік кредиттер – 66 456 мың теңге;

бюджеттік кредиттерді өтеу – 21 917 мың теңге;

4) қаржы активтерімен операциялар бойынша сальдо – 0:

қаржы активтерiн сатып алу – 0;

мемлекеттiң қаржы активтерiн сатудан түсетiн түсiмдер – 0;

5) бюджет тапшылығы (профициті) – -44 539 мың теңге;

6) бюджет тапшылығын қаржыландыру (профицитін пайдалану) – 44 539 мың теңге:

қарыздар түсімі – 66 456 мың теңге;

қарыздарды өтеу – 21 917 мың теңге;

бюджет қаражатының пайдаланылатын қалдықтары – 0.

2. 2024 жылға облыстық бюджетке және аудандық (облыстық маңызы бар қалалардың) бюджеттеріне кірістерді бөлу нормативтері келесідей мөлшерлерде белгіленсін:

ірі кәсіпкерлік субъектілерінен және мұнай секторы ұйымдарынан түсетін түсімдерді қоспағанда, заңды тұлғалардан алынатын корпоративтік табыс салығы бойынша:                    

аудандық бюджетке – 50,0 пайыз;

облыстық бюджетке – 50,0 пайыз;

төлем көзінен салық салынатын табыстардан ұсталатын жеке табыс салығы бойынша:

аудандық бюджетке – 50,0 пайыз;

облыстық бюджетке – 50,0 пайыз;

төлем көзінен салық салынбайтын табыстардан ұсталатын жеке табыс салығы бойынша:

аудандық бюджетке 100 пайыз;

төлем көзінен салық салынбайтын шетелдік азаматтар табыстарынан ұсталатын жеке табыс салығы бойынша:

аудандық бюджетке – 50 пайыз;

облыстық бюджетке – 50 пайыз;

әлеуметтік салық бойынша:

аудандық бюджетке – 50 пайыз;

облыстық бюджетке – 50 пайыз;

     3.2024 жылға облыстық бюджеттен аудандық бюджетке берілетін субвенция мөлшері 2 889 236 мың теңге болып белгіленсін.

4. 2024 жылға аудандық бюджеттен аудандық маңызы бар қала, ауыл, кент,ауылдық округ бюджеттеріне берілетін субвенциялар мөлшерінің жалпы сомасы 703 492 мың теңге болып қарастырылсын, оның ішінде:

Қарақоңыр ауыл округі	52 756 мың теңге;
Аққұм ауыл округі	44 807 мың теңге;
Көксарай ауыл округі	65 043 мың теңге;
Балтакөл ауыл округі	53 490 мың теңге;
Талапты ауыл округі	64 085 мың теңге;
Шілік ауыл округі	47 716 мың теңге;
Шәуілдір ауыл округі	65 972 мың теңге;
Темір ауыл округі	62 833 мың теңге;
Маяқұм ауыл округі	57 100 мың теңге;
Отырар ауыл округі	50 660 мың теңге;
Ақтөбе ауыл округі	40 611 мың теңге;
Қоғам ауыл округі	54 935 мың теңге;
Қарғалы ауыл округі	43 484 мың теңге.

5. Ауданның жергілікті атқарушы органның 2024 жылға арналған резерві 59 823 мың теңге сомасында бекітілсін.
6. Бюджеттiк инвестициялық жобаларды (бағдарламаларды) іске асыруға бағытталған бюджеттiк бағдарламалар бөлiнiсiнде 2024 жылға арналған аудандық бюджеттiк даму бағдарламаларының тiзбесi 4-қосымшаға сәйкес бекiтiлсiн.
7. Осы шешім 2024 жылдың 1 қаңтарынан бастап қолданысқа енгізіледі.

 

Отырар аудандық

мәслихатының төрағасы                                                          У.Ұзақов

 

 

 

Дата публикации

27 декабря 2023