Құрметті депутаттар мен шақырылғандар!
Осакаров аудандық мәслихатының әлеуметтік саясат жөніндегі тұрақты комиссиясы 4 депутаттан тұрады. Комиссия өз қызметінде Қазақстан Республикасының қолданыстағы заңнамасын басшылыққа алады және аудандық мәслихаттың регламенті мен жұмыс жоспарында айқындалған міндеттер мен өкілеттіктерге сәйкес жұмыс істейді.
Ағымдағы жылы өз қызметі барысында тұрақты комиссия 18 отырыс өткізді. Отырыстарда халықты, мүгедектерді, мүгедек балаларды әлеуметтік қолдауға, тұрғын үй мәселелеріне, аз қамтылған азаматтарға әлеуметтік көмек көрсетуге және білім беру, мәдениет, спорт және агроөнеркәсіптік кешен саласындағы мамандарды әлеуметтік қолдауға, ауылдар, кенттер, ауылдық округтер әкімдері аппараттарының мемлекеттік қызметшілеріне тікелей бағытталған мәселелер қаралды.
Тұрақты комиссияның отырыстарында мәселелерді дайындау және қарау үшін қаралатын мәселелерге қатысы бар бөлімдердің басшылары шақырылады, сондай-ақ аудандық мәслихаттың төрағасы белсенді қатысады. Ағымдағы жылы «Осакаров ауданының тұрғындарына тұрғын үй көмегін көрсетудің мөлшері мен тәртібін айқындау туралы» жаңа нормативтік құқықтық акт бекітілді және экономика және халыққа әлеуметтік көмек көрсету саласындағы басшылардың есептері тыңдалды, оның барысында тиісті ұсынымдар берілді және мұқтаж азаматтардың жекелеген санаттарына ақшалай қаражатты уақтылы төлеу сондай-ақ атаулы күндерге төлемдер бөлігінде ұсыныстар енгізілді және мереке күндері, соның ішінде біздің ауданда қолданыстағы бағдарламаларды іске асыру.
Тұрғын үйдің қолжетімділігін арттыру үшін, әсіресе халықтың әлеуметтік осал топтары үшін 2024 жылы Осакаровка кентінде 18 пәтерлі төрт жалдамалы үй немесе 72 пәтер салу жұмыстары жалғастырылды. Нысан 2024 жылдың қараша айында іске қосылады деп жоспарлануда. Ағымдағы жылы облыстық бюджеттен Осакаровка кентінде 18 пәтерлі екі тұрғын үйдің құрылысын жалғастыруға 354 млн. теңге сомасында қаражат бөлінді. Жобаны іске асыру 2020 жылы басталды. Осакаров ауданында ағымдағы жылы халықтың әлеуметтік осал топтары мен жетім балалар (619 адам) үшін жаңадан салынған тұрғын үйлерден 54 пәтер сатып алу жоспарлануда. Жалпы бөлінген сома - 810 млн. теңгені құрайды.
Жұмыссыздықтың төмен деңгейін ұстап тұру және тиімді жұмыспен қамтамасыз ету үшін ауданда жұмыссыз азаматтарды жұмысқа орналастыру бойынша белгілі бір жұмыс жүргізілуде. Ауданның еңбек нарығындағы жағдай жұмыссыздық деңгейінің 3,1% - дан 2,9% - ға дейін төмендеуімен сипатталады. 2024 жылдың бірінші жартыжылдығында 731 адам жұмысқа орналастырылды, оның ішінде тұрақты жұмыс орындарына 450 адам, субсидияланатын жұмыс орындарына 281 жұмыссыз жіберілді, осы бағыттағы жұмыс тұрақты комиссиямен жалғасуда.
Біз әрдайым аудан тұрғындарымен тығыз байланыста боламыз және тоқсан сайын «AMANAT» партиясы Осакаров аудандық филиалының қоғамдық қабылдау бөлмесінде, сондай-ақ кенттер мен ауылдық окургтер әкімдігінің ғимараттарында азаматтарды қабылдаймыз, аудан әкімінің ауылдық округтер мен кенттер тұрғындарымен кездесулеріне қатысамыз және аудан аумағында орналасқан барлық ұйымдармен байланыс жасаймыз.
Депутаттар өз мүмкіндіктеріне қарай қайырымдылық және демеушілік көмек көрсетеді, мемлекеттік және халықаралық мерекелерге арналған түрлі іс-шараларға жүйелі түрде қатысады.
Соңында жұртшылық пен аудандық мәслихат депутаттарына бірлесіп жұмыс істегені үшін алғыс айтқым келеді, баршаңызға денсаулық пен амандық тілеймін.
Комиссия төрағасы Ғ. Нұрсолтан