Қазақстан Республикасының 2001 жылғы 23 қаңтардағы № 148 «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6 бабына және Қазақстан Республикасы Президентінің 2006 жылғы 18 қаңтардағы № 19 «Әкімдердің мәслихаттар алдында есеп беруін өткізу туралы» Жарлығына сәйкес, Мәртөк аудандық мәслихаты ШЕШІМ ҚАБЫЛДАДЫ:
1. Мәртөк ауданының әкімі Медет Жұмабайұлы Ысқақовтың өзіне жүктелген функциялар мен міндеттердің орындалуы туралы есебі бекітілсін.
2. Аудан әкіміне жұмысты төмендегі бағыттар бойынша жалғастыру ұсынылсын:
1) ауданның экономикалық өсімін облыс деңгейінің орташа көрсеткішіне жеткізу;
2) ауданда тұрақты жұмыс орындарын құру және нәтижелі жұмыспен қамтуды дамыту арқылы халықтың әл-ауқатын арттыру;
3) бюджетке жоспарланған түсімдердің орындалуын қамтамасыз ету;
4) ауданға инвестициялар тарту;
5) шағын және орта бизнесті дамытуды жан-жақты қолдау;
6)агроөнеркәсіп кешенін дамыту, оның ішінде ет, сүт және астық өнімдерін терең өңдеуді, сондай-ақ жылыжай шаруашылығын дамытуды қамтамасыз ету;
7) ауданның елді мекендерін қажетті инженерлік және әлеуметтік инфрақұрылыммен қамтамасыз ету.
3. Осы шешімнің орындалуын аудандық мәслихаттың тұрақты комиссияларына жүктелсін.
|
Мәртөк аудандық мәслихатының төрағасы |
|
Т.Көлкебаев |