Халық қалаулылары сайлаушылармен кездесті
Қазақстан Республикасындағы жергілікті мемлекеттік басқару және өзін-өзі басқару туралы Заңына сәйкес мәслихаттар жылына кемінде бір рет халық алдында мәслихаттың атқарған жұмысы, оның тұрақты комиссияларының қызметі туралы есеп береді. Мәслихат депутаттары Қазақстан Республикасының заңдарына сәйкес халық алдында жауапты болады деп көрсетілген.
Осыған орай бүгін аудандық мәслихаттың депутаттары өздерінің сайланған учаскелерінде сайлаушылармен кездесулерін бастады. Алдын ала бекітілген кестеге сәйкес аудандық мәслихаттың депутаттары Сарабеков Әділбек Сербайұлы, Жалғасбаев Нұрғиса Жаппарбергенұлы Басықара, Құмжиек, Қарашеңгел, Арықбалық, Көларық, Мұратбаев ауылдық округтерінде болып, бір жыл ішінде сайлауалды бағдарламаларының орындалуы туралы есеп беру кездесулерін өткізді.
Кездесуге ауыл тұрғындары, тиісті сала басшылары қатысып, сайлаушылар тарапынан айтылған ұсыныс-пікірлерге жауап берілді. Депутаттар тұрғындар тарапынан көтерілген мәселелер бойынша атқарушы органдарға ұсыныс жолдап, олардың орындалуы тұрақты бақылауда болатынын жеткізді. Сайлаушылармен кездесу ертең де жалғасатын болады.