№16 САЙЛАУ ОКРУГІНЕН ДЕПУТАТ ӘБДІРОВ ҚАДЫРБЕК САҒАШҰЛЫ

1974 жылы Қазақ политехникалық институтын оқып бітірді, электрик-инженер мамандығының иегері. 2004 жылы «Персоналды басқару» мамандығы бойынша Алматы экономика және статистика академиясын тәмамдады.
Еңбек жолын Қаражал қаласында ЖЭО электроцехы бастығының орынбасары болып бастады. Қаражал қалалық комсомол комитетінің хатшысы, Жезқазған облыстық комсомол комитетінің ұйымдастыру бөлімінің меңгерушісі, Жезқазған облыстық партия комитетінің нұсқаушысы, «Жайремауырқұрылыс» трестінің бас энергетигі, Жәйрем тау-кен байыту комбинатының Қиыр-Батыс кенішінің бас энергетигі, Жайрем кентінің қалалық желісінің бастығы, «Жәйремжылуэнергия» ЖШС-нің директоры болып жұмыс істеді.
2000 жылдан бастап 2016 жылға дейін  - «Горсвет» КМК бас директоры.
Осы уақытта бас энергетик, Қарағанды политехникалық колледжі директорының орынбасары болып табылады.
«Қазақстан Республикасының Тәуелсіздігіне 10 жыл» мерейтойлық медалімен, Қарағанды облысы әкімінің алғыс хатымен, «Ерең еңбегі үшін» медалімен марапатталған, «Қазақстанның еңбек сіңірген энергетигі» және «ТМД-нің еңбегі сіңірген энергетигі» атақтарын иеленген.
«Нұр Отан» партиясының мүшесі.
III, IV және V шақырылған Қарағанды қалалық мәслихатының депутаты болып сайланды.
Үйленген, үш баласы бар.
Осы шақырылымда қаланың құрылыс және тұрғын үй-коммуналдық шаруашылығы мәселелері жөніндегі тұрақты комиссияның құрамында.