Язев Василий Иванович

1913 жылы 24 қаңтарда Мәскеу облысы Павлово-Посад ауданы Курово деревнясында дүниеге келген. Еңбек жолын 1934 жылы Мәскеу қаласында Ленин өнеркәсіптік-құрылыс техникумын бітіргеннен кейін бастады. Прораб, аға прораб, өнеркәсіптік құрылыс учаскесінің бастығы, құрылыс басқармасының бастығы, «Прибалхашстрой» трестінің басқарушысы болып жұмыс істеді. 1959-1979 жылдары Қарағанды облыстық атқарушы комитеті төрағасының орынбасары болды.
1958 жылы В.И. Язевке Балқаш мыс балқыту комбинаты салуына, Қоңырат кенішінің объектілерін ұйымдастыруына қосқан үлкен еңбегі үшін, «Прибалхашстрой» трестісімен жоспарларды жүйелік асыруды қамтамасыз еткені үшін, Социалистік Еңбек Ері атағы берілді. Қарағандының, облыстың дамуына қосқан өзіндік үлкен үлесі үшін, В.И. Язев Ленин, Еңбек Қызыл Ту, «Құрмет Белгісі» ордендерімен, медальдармен марапатталған. Балқаш қаласын комлексті салынғаны және жоспарланғаны үшін, оған КСРО Министрлер Кеңесінің лауреаты жоғары атағы берілді.
Қаланың Оңтүстік-Шығысының үлкен көшелерінің бірі В.И. Язев есімімен аталған, тұрған үйінің сыртында мемориал тақтасы ашылған.
Қарағанды қаласының дамуына, оның құрылыстарын және көркейтуін жақсартуға қосқан зор еңбегі үшін, қоғамдық өмірге белсенді қатысқаны үшін 1979 жылдың 28 маусымында «Қарағанды қаласының Құрметті азаматы» атағы берілді.
Атақ берілген күні: 1979 жылы 28 маусым