Шишканов Виктор Григорьевич

1924 жылы 2 ақпанда Воронеж облысының Воронеж қаласында туды. 1941 жылы оқуды үздік аяқтап, Авиация институтына емтихансыз қабылданды. 1942 жылы Самара қаласына оқу орнымен бірге көшіріліп, онда 1945 жылға дейін Авиациялық заводта ИЛ-2 самолеттарын жинау жөніндегі слесарь болып жұмыс істеді. 1948 жылы Воронежде инженерлік-құрылыс институтын аяқтап, СССР Көмір өнеркәсібі министрлігінің өкімімен Қарағанды қаласының көмір кәсіпорындарының құрылысына жіберілді. Еңбек жолын Қарағанды қаласының Құрылыс басқармасында құрылыс жұмысын басқарды. 1948 жылдан 1961 жылдар аралығында Қарағанды шахтақұрылыс бас басқармасының құрылыс және шахта құрылыс мекемелерінде құрылыс жұмысын жүргізуші, бас инженер, құрылыс басқармасының бастығы, құрылыс тресі бастығының орынбасары қызметтерін атқарды. 1961 жылдан 1965 жылға дейін еңбекшілердің Саран қалалық атқару комитетінің төрағасы, 1965 жылдан бастап Қарағанды қалалық атқару комитеті төрағасының бірінші орынбасары, 1978 жыл­дан Қарағандытұрқұрылыс тресі бастығының орынбасары, 1981 жылдан 1994 жылға дейін аяқ-киім фабрикасының құрылыс және тұрмыс жөніндегі директордың орынбасары болып қызмет атқарды.
Құрмет белгісі орденімен, «Ерлік еңбегі үшін», В.И.Лениннің туғанына 100 жыл толу құрметіне, «1941-1945 ж.ж ҰОС ерлік еңбегі үшін», «ҰОС Жеңісіне 50-жыл», «Еңбек ардагері» медальдарымен марапатталды. Республикалық дәрежедегі зейнеткер.
Қарағанды қаласының құрылысына елеулі үлес қосқаны және қаланың қоғамдық-саяси өміріне белсене қатысқаны үшін 2000 жылғы 23 қыркүйекте «Қарағанды қаласының Құрметті азаматы» атағы берілді
Атақ берілген күні: 2000 жылы 23 қыркүйек