Шаталов Владимир Александровнч

1927 жылы 8 желтоқсанда Солтүстік-Қазақстан облысы Петропавл қаласында дүниеге келген. 1945 жылы Воронеж ӘӘК арнайы мектебін және 1949 жылы Качинск ұшқыштар әскери-авиациялық училищесін оқып бітірді. 1956 жылы Әскери-әуелік академиясын бітірді (қазір Ю.А. Гагарин атында).
1963 жылдан бастап ғарышкерлер дайындайтын Орталықта, 1971 жылдан бастап кеңес ғарышкерлерін дайындау басшысы. 1969 жылы 14-17 қаңтарында В.А. Шаталов «Союз-4» ғарыш кемесінің экипаж командирі ретінде ғарышқа ұшып, Б.В. Волынов басқарған «Союз-5» ғарыш кемесімен жақындасып, түйістірді, А.С. Елисеев пен Е.В. Хруновқа «Союз-4» ғарыш кемесіне ашық ғарыш арқылы өтуін қамтамасыз етті. Осы ғарыш сапарын ойдағыдай өткізгені үшін және сол кездегі білдірген батылдык пен батырлығы үшін Ленин орденін және «Алтын Жұлдыз» медалін тапсыруымен Кеңес Одағының Батыры атағы берілді және «КСРО ұшқыш-ғарышкері» атағы берілді. 1969 жылы 13-18 қазанда (А.С. Елисеевпен бірге) «Союз-8» ғарыш кемесінің командирі ретінде екінші рет ғарыш сапарына барды. 1971 жылы 23-25 сәуір аралығында үшінші сапары өтті. В.А. Шаталов «Союз-10» кемесінің экипажын басқарды.
Көптеген кеңестік, шетелдік ордендермен және медальдармен марапатталған.
«Союз-8» ғарыш кемесінің ғарыш сапарын үздік өткізгені үшін, ғарыш кемесін Қарағанды маңына ойдағыдай қондырғаны үшін 1969 жылдың 23 қазанында «Қарағанды қаласының Құрметті азаматы» атағы берілді.
Атақ берілген күні: 1969 жылы 23 қазан