Шаймұханов Дүйсетай Аймағамбетұлы

1928 жылы 1 қаңтарда Бұқар жырау ауданының Жастілек ауылында туды.
1944-1946 жылдары Қарағанды қаласының мұғалімдер институтында, 1948-1951 жылдары Алматы қаласындағы ҚазМУ-да оқыды. Еңбек жолын мектеп мұғалімінен бастады, партия құрылымдарында түрлі қызметтер атқарды. 1965-1974 жылдары ҚПТИ және ҚарМУ (1972 ж) тарих кафедрасын басқарды. 1974-1982 жылдары Қарағанды педагогикалық дене тәрбиесі институтында ректор болды. 1982-1994 жылдары ҚарМУ кафедра меңгерушісі болды. 1994 жылдан бастап Е.Бөкетов атындағы ҚарМУ Қазақстан тарихы кафедрасында профессор болып табылады.
Жеті үкімет наградаларымен марапатталған. («ҰОС жылдарындағы ерлік еңбегі үшін», «Тың жерлерді игергені үшін» мерекелік медальдармен, «Еңбек ардагері») Оның 150 ғылыми жұмысы мен мақалалары ғылымға қосқан баға жетпес үлесі болып табы­лады.
Профессор Шаймұханов бірнеше рет қалалық жөне облыстық Кеңестерге сайланды.
Ғылым мен білімді дамытуға және жас ұрпақты тәрбиелеуге елеулі үлес қосқаны және Қарағанды қаласының қоғамдық-саяси өміріне белсене қатысқаны үшін 1998 жылы «Қарағанды қаласының Құрметті азаматы» атағы берілді.
Атақ берілген күні: 1998 жылы 14 қазан