Чапурина Надежда Александровна

1921 жылдың 19 қарашасында Батыс Қазақстан облысының Орал қаласында туды. Мектептен кейін А.Пушкин атындағы Орал педагогикалық институтына түсіп, 1945 жылы бітірді. 1947 жылы отбасымен Қарағанды қаласына көшіп келді. 1947-1948 жылдары Киров аудандық халыққа білім беру бөлімінде, онан кейін Қарағанды облыстық халыққа білім беру бөлімінде инспектор, № 1 орта мектепте мұғалімдік қызмет атқарды. 1950 жылдан № 52 орта мектеп директоры. 1956-1967 жылдары № 1 орта мектеп-интернатында директор, 1967 жы­лы № 97 орта мектеп директоры қызметін зейнеткерлікке шыққанға дейін атқарды. 1964 жылы Қаз ССР-нің еңбек сіңірген мүғалімі атағы берілді.
Ленин аудандық халық депутаттары Кеңесінің депутаты болып сайланды, қалалық партия комитеті пленумының мүшесі болды. Екі рет Қазақстан жоғары Кеңесінің Құрмет грамотасымен марапатталды 1960 жылы «Құрмет белгісі» ордені тапсырылды.
Жас ұрпақты оқытуда және патриоттық рухта тәрбиелеудегі сіңірген еңбегі үшін 1993 жылы «Қарағанды қаласының Құрметті азаматы» атағы берілді.
Атақ берілген күні: 1993 жылы 10 наурыз