Филипченко Анатолий Васильевич

1928 жылдың 26 ақпанында Воронеж облысы Давыдовка деревнясында дүниеге келген. Воронеж қаласында ӘӘК арнайы мектебін және 1950 жылы Чугуевск әскери авиациялық ұшкыштар училищесін бітірген. 1961 жылы Әскери-әуелік академиясын бітірді (қазір Ю.А. Гагарин атында).
«Союз-6», «Союз-7», «Союз-8» ғарыш кемелері топтық сапарын ойдағыдай өткізгені үшін және сол кездегі білдірген батылдық пен батырлығы үшін Ленин орденін және «Алтын Жұлдыз» медалін тапсыруымен Кеңес Одағының Батыры атағы берілді. «Союз-7» кемесінде ғарыш сапарын іске асырғаны үшін «КСРО ұшқыш-ғарышкері» атағы берілді.
1963 жылдан бастап ғарышкерлер дайындау Орталығында болды.
1969 жылы 12-17 қазанында «Союз-7» ғарыш кемесінде құрамына В.Н. Волков және В.В. Горбатко кірген экипаждың командирі ретінде ғарышқа ұшты. Ғарыш сапары кезінде жер жанындағы ғарыш кеңістігінде бірнеше ғылыми-техникалық эксперименттер жүргізді. 1974 жылы 2-8 желтоқсанда екінші рет «Союз-16» ғарыш кемесінің экипаж командирі ретінде ғарышқа ұшты (бортинженері - Н.Н. Рукавишников). Осы ғарыш сапары «Союз-Аполлон» бағдарламасы бойынша кеңестік-американдық эксперименттік ғарыш сапарын өткізу алдында, кемесімен түйістіру түйінінің өтеу жүмыстарының дайындауы аяқталды. Көптеген кеңестік, шетелдік ордендермен және медальдармен және де К.Э. Циолковский атындағы Алтын медальмен марапатталған.
Ғарышты игергені үшін, ғарыш кемелерінің топтық ғарыш сапарын ойдағыдай өткізгені үшін, Қарағанды маңына «Союз-7» ғарыш кемесін үздік қондырғаны үшін 1969 жылдың 23 қазанында «Қарағанды қаласының Құрметті азаматы» атағы берілді.
Атақ берілген күні: 1969 жылы 23 қазан