Төлепов Нарманбет Оспанұлы

1929 жылы 23 мамырда Омбы қаласында туды.
Өзінің еңбек жолын 1944 жылы колхозда бастады. 1948 жылы Омбы педагогикалық училищесін бітіргеннен кейін мектепте мұғалім болып қызмет атқарды. 1954 жылы Алматы педагогикалық институтын аяқтаған соң Қарағанды қаласына жіберілді. Қарағандының № 2 және № 5 мектептерінде қызмет атқарды. 1954 жылы желтоқсанда Шахтинск аудандық комсомол комитетіне бірінші хатшы болып сайланды, одан кейін Қарағанды қалалық комсомол комитетіне бірінші хатшы болып, Қарағанды облыстық комитетіне екінші хатшы болып сайланды. 1961 жылы қыркүйекте Шахтинск қалалық партия комитетіне екінші хатшы болып, 1964 жылы Қарағанды қаласының Киров аудандық партия комитетіне бірінші хатшы болып, 1967 жылы Қарағанды қалалық атқару комитетінің төрағасы болды. 1975 жылы Костенко атындағы шахтаның өндіріс жөніндегі директор орынбасары, 1980 жылдан бастап «Қарағандыкөмір» бірлестігінің кадр және әлеуметтік мәселелер жөніндегі директоры, 1993 жылдан бастап «Тұран» банкінің кеңесшісі, 1977 жылдан бастап Ресей-Қазақстан қазіргі заманғы гуманитарлық университетінің кеңесшісі.
«Еңбек Қызыл Ту», «Құрмет белгісі», «Достық» ордендерімен және 6 медальмен марапатталды. Бірнеше рет ҚазССР Жоғарғы Кеңесіне, облыстық және қалалық кеңестерге депутат болып сайланды.
Қарағанды қаласының құрылысы мен дамуына елеулі үлес қосқаны және қоғамдық қызметке белсене қатысқаны үшін 2000 жылы 23 қыркүйекте «Қарағанды қаласының Құрметті азаматы» атағы берілді.
Атақ берілген күні: 2000 жылы 23 қыркүйек