Сулейменов Муташ

1921 жылы 10 қыркүйекте Қарағанды облысы Нұра ауданы, Казгородок селосында туды. Ұлы Отан соғысы жылдары неміс-фашист басқыншыларымен ұрыста белсенділік танытып, Москвадан Германияға дейінгі жауынгерлік жолды жүріп өтті. Үш рет жарақаттанып, контузия алды. Әскерден босанғаннан кейін 1946-1987 жылдары дене шынықтыру және алғашқы әскери дайындық пәнінен сабақ берді. Бірнеше рет мектептің алғашқы партия ұйымының хатшысы болып сайланды, 1968 жылы Қарағанды педагогикалық институтын сырттай оқып бітірді. 1975 жылдан ҚазССР-нің халыққа білім беру ісінің үздігі, 1985 жылдан СССР халық ағарту ісінің үздігі. 1945, 1985, 1995 жылдардағы Жеңіс парадына қатысушы.
Төрт жауынгерлік орденмен, көптеген медальдармен, атап айтқанда, «Қызыл Жұлдыз», «Даңқ» орденінің барлық үш дәрежесімен, екі рет «Ерлігі үшін», «Тың жерлерді игергені үшін» медалімен марапатталды.
Ұлы Отан соғысы жылдарындағы Отан алдындағы елеулі қызметі және Қарағанды қаласының жастарына әскери-патриоттық тәрбие берудегі жемісті еңбегі үшін 1994 жылы «Қарағанды қаласының Құрметті азаматы» атағы берілді.
Атақ берілген күні: 1994 жылы 8 маусым