Саламатов Владимир Григорьевич

1920 жылы 2 желтоқсанда Киров облысында дүниеге келген. Орта мектепті ойдағыдай бітіріп, Ф.Э. Дзержинский атындағы Мәскеу электро-механикалық көлік инженерлер институтына түсті.
Өзінің еңбек жолын В.Г. Саламатов «Глубокое» депосында машинист көмекшісі болып бастады, сосын бригадир, паровоздарды жөндеу бойынша шебері болды.
1945 жылдың мамырында Қарағандыға келді, сол кезден бастап осы жерде. Паровоз жөндеу депосының бастығы болды. 1963 жылы Бүкілодақтық темір жол көлігі инженерлер институтын оқып бітірді. Ұзақ жылдар бойы партиялық жұмыста. Темір жол аудандық партия комитетінің бірінші хатшысы, облыстық партия комитетінің хатшысы болып сайланған. 1979-1982 жылдар аралығында облыстық атқарушы комитеті төрағасының орынбасары болды.
Қазан революциясы, Еңбек Кызыл Ту, Елдер бауырластығы ордендерімен марапатталған.
Қала дамуына, оның құрылыстарына, көркейуіне, Орталық Қазақстан темір жол көлігінің қалыптасуына, жас буынның тәрбиелеуіне сіңірген үлкен еңбегі үшін және қоғамдық өмірге белсенді қатысқаны үшін 1996 жылы 26 сәуірде «Қарағанды қаласының Құрметті азаматы» атағы берілді.
Атақ берілген күні: 1996 жылы 26 сәуір