Рыстин Ибрагим Хусаинович

Рыстин Ибрагим Хусаинүлы 1925 жылы Қарағанды облысының Тельман ауданында туған.
Ата-анасы қайтыс болғаннан кейін, 1933 жылдан Спасск балалар үйінде тәрбиеленеді. Бұдан соң Қарағанды тау-кен техникумына түседі.
1943 жылы ақпан айында Кеңес Әскері қатарына шақырылады. Екінші Украина майданында, Воронеж майданының танк бригадасы құрамында Днепрді, Карелияны азат етуге қатысады.
1944 жылдан 1-ші Балтика майданына қатысып, желтоқсан айында жараланады, 1948 жылға дейін әскери емханада емделеді.
1948 жылдың қараша айында Қарағандыға бірінші топтағы мүгедек болып оралады. 1953 жылдан Қарағанды облыстық өнеркәсіп кеңесінің «Шахтер» артелі төрағасының орынбасары болып жұмыс істейді.
1955 жылдан 1974 жылға дейін үй басқарушысы, Октябрь аудандық тұрғын үй-коммуналдық шаруашылығы бастығының орынбасары болып жұмыс істейді.
1974 жылдан 1985 жылға дейін «Қарағанды көмір» комбинатының ТКШ бастығы қызметін атқарады.
Бірнеше рет Ардагерлер кеңесі Президиумының мүшесі болып сайланады.
Ұлы Жеңістің 55 жылдығына арналған Астана қаласында өткен әскери шеруге қатысқан.
Ұлы Жеңістің 60 жылдығы құрметіне, Ұлы Отан соғысы кезінде Отан алдындағы зор еңбегі, өскелең ұрпақты әскери-патриоттық тәрбиелеуге қосқан зор үлесі үшін 2005 жылдың 30 сәуірінде «Қарағанды қаласының Құрметті азаматы» атағы берілген.
Атақ берілген күні: 2005 жылы 30 сәуір