Презент Григорий Михайлович

1941 жылы 22 қазанда Сара­тов облысының Романовка селосында туды. 1958-1964 жылдары Қарағанды политехникалық институтында оқыды. 1964-1993 жылдары «Қараған-дыкөмір» өндірістік бірлестігінің Костенко атындағы шахтыда учаске бастығының көмекшісінен шахты директорына дейін түрлі қызмет атқарды. 1993 жылғы қараша айынан бастап көмір өндіру жөніндегі өндірістік бірлестіктің бас директоры, 1996 жылдан бастап «Испат-Кармет» ААҚ Көмір департаментінің атқарушы директоры қызметін атқарды. Беделді инженерлік-техникалык дайындыққа ие болып жұмыстың қауіпсіз жағдайына үлкен көңіл бөледі. Оның кандидаттық және докторлық диссертациясының тақырыбы және 38 ғылыми жұмысы тазалау жұмыстары технологиясын жетілдіруге бағытталды.
«Еңбек Қызыл Ту» орденімен, «Ерлік еңбегі үшін» медалімен, «I, II, Ш дәрежелі Шахтер Даңқы» белгісімен, ХШЖК алтын медалімен және басқа да наградалармен марапатталды.
Көмір өнеркәсібін дамытуға елеулі үлес қосқаны және Қарағанды қаласының қоғамдық өміріне белсене қатысқаны үшін 2000 жылы «Қарағанды қаласының Құрметті азаматы» атағы берілді.
Атақ берілген күні: 2000 жылы 23 қыркүйек