Покатилов Николай Изотович

1923 жылы 5 мамырда Ақмола облысы Кенітай селосында дүниеге келген. Жетіжылдық мектепті бітіргеннен кейін Ақмола облысы «Ленин жолы» совхозында есептеуші болып жұмыс істеді. Қызыл Әскер катарына шақырылды. Ұлы Отан соғысының қатысушысы. Жеңіс күнін Германияда қарсы алды.
1947-1961 жылдар аралығында Ақмола облысы «Краснознаменск» совхозында, Целиноград облысы Анар станциясында №81 ОМ бухгалтері болып жұмыс істеді.
1972-1988 жылдарда Қарағанды қаласы жол-техникалық мектебінің бас бухгалтері болды.
I, II, III дәрежелі Даңқ, I, II дәрежелі Отан соғысы ордендерімен, «Ерлік үшін» медалімен марапатталған. 1985 жылы Мәскеу қаласында өткен Жеңіс шеруінің қатысушысы.
Ұлы Отан соғысы жылдарындағы Отан алдындағы зор еңбегі үшін, жастарды туған Отанына деген берілгендік, Қазақстанға, Қарағандыға деген сүйіспеншілік рухында тәрбиелегені үшін және қоғамдық өмірге белсенді қатысқаны үшін 1994 жылдың 8 маусымында «Қарағанды қаласының Құрметті азаматы» атағы берілді.
Атақ берілген күні: 1994 жылы 8 маусым