Пазенко Яков Афанасьевич

1918 жылы 31 мамырда Черкасс облысы Каменск ауданы Флярловка селосында дүниеге келген. Еңбек жолын 1936 жылы Караганды облысы Қарсақпай аудандық мал дәрігерлік емханасының меңгерушісі болып бастады. 1936 жылы Черкасс мал дәрігерлік техникумын, 1968 жылы Целиноград ауыл шаруашылық институтын оқып бітірді.
1950 жылы Қарағанды облыстық ауыл шаруашьлық басқармасы бастығының орынбасары болып тағайындалды. 1958-1963 жылдары Қазақстан коммунистік партиясы Жаңарқа және Нұра аудандық комитеттерінің бірінші хатшысы болып сайланды. 1963 жылдың қаңтарынан бастап облыстық жұмысшылар депутаттар Кеңесінің Қарағанды ауылдық атқарушы комитетінің төрағасы, ал 1964 жылдың желтоқсанынан бастап Қарағанды облыстық атқарушы комитеті төрағасының бірінші орьшбасары.
КОКП 22-ші съезінің делегаты, Қазақ КСР Жоғарғы Кеңес, облыстық жұмысшылар Кеңесінің депутаттары болып сайланған.
Еңбек Қызьгл Ту, «Құрмет белгісі» ордендерімен, төрт медальмен, Қазақ ССР Жоғарғы Кеңесінің екі Мақтау қағаздарымен марапатталған.
Қарағанды облысы және Қарағандының экономикасын дамытуға қосқан зор еңбегі үшін, қоғамдық өмірге белсенді қатысқаны үшін 1978 жылдың 25 мамырында «Қарағанды қаласының Құрметті азаматы» атағы берілді.
Атақ берілген күні: 1978 жылы 25 мамыр