Нығматулин Зайролла Гершанұлы

Нығматулин Зайролла Гершанұлы 1923 жылы дүниеге келген. Дауыс зорайтқыштардан соғыс деген ауыр сөз естілген кезде, Зайрулла 18 жаста болатын. Үш айдан кейін ол Ленинград маңында болды. Барнаулда гвардия қызыл әскері 3. Нығматулин бірнеше рет барлауда болды. Бір шығудың кезінде оны неміс пулеметшісі байқап қалды, бірақ батыл барлаушы бір сәтте ойланбастан пулемет нүктесіне граната лақтырып оны жойып жіберді.
Басқа бөлім құрамында ұрыстармен Польшаға дейін жетті. Солардың бірінде 1944 жылдың 24 қарашасында тағы да қатты жарақат алды. Жарақаттан жазылу үшін төрт үзақ жыл керек болды. 1948 жылы Зайролла Қарағандыға келді. Келген бетте шахтаға сұранды, көп қаражат тапқысы келді, қажеттінің барлығымен тез қамтамасыз етілгісі келді. Бірақ жоқ деген жауап алды: мүгедекке жер астына түсуге болмайды. Жеңіл жұмыс іздеуге тура келді.
1976 жылдың 1 мамырына дейін, яғни Қарағандының Ленин ауданының Мемлекеттік сақтандыру инспекциясының ұжымында құрметті демалысқа шығарып салғанға дейін жұмыс істеді. Барлаушы Нығматулин еңбекте де өзін Лениндік мерейтойлық медальға лайық екенін көрсетті.
Ұлы Отан соғысы жылдарындағы ерліктері үшін III дәрежелі «Даңқ», І-ші, ІІ-ші дәрежелі «Отан соғысы» ордендерімен марапатталды. «1941-1945 жж. Ұлы Отан соғысында Германияны жеңгені үшін», «Маршал Жуков» медальдарымен, құрмет белгілерімен марапатталды.
Ұлы Жеңістің 60-жылдығы құрметіне, Ұлы Отан соғысы кезінде Отан алдындағы зор еңбегі, өскелең ұрпақты әскери-патриоттық тәрбиелеуге қосқан зор үлесі үшін 2005 жылдың 30 сәуірінде «Қарағанды қаласының Құрметті азаматы» атағы берілген.
Атақ берілген күні: 2005 жылы 30 сәуір