Мұстафин Жұман Хасенұлы

Мұстафин Жұман Хасенұлы Қарағанды облысында туып, өскен. Осы жерде оның көп жылдық еңбек жолы өткен. Балкаш тау-кен-металлургия техникумын, содан кейін Қарағанды политехникалық институтын бітіргеннен кейін, ол ұзак уақыт бойы 18-негізгі шахтаның бас механигінің орынбасары болып қызмет етті.
1967 жылы аудандық партия комитетінің өндіріс-көлік бөлімінің меңгерушісі, содан кейін Қазақстан Коммунистік партиясы облыстық комитетінің нұсқаушысы ретінде партия жұмысына жіберілді.
1971 жылдың мамырында Қаражал қалалық атқару комитетінің төрағасы болып сайланады, ал 1976 жылы Жезқазған облыстық тұрмыстық қызмет көрсету басқарамасының бастығы болып тағайындалады.
1979 жылы Қарағанды қаласының Ленин ауданының халықтық бақылау комитетінің төрағасы болып ауыстырылады, ал 1980 жылы осы ауданның аудандық атқару комитетінің төрағасы болып сайланады, және осында 1985 жылдың мамыр айына дейін қызмет етеді.
Көптеген наградалармен және мадақтаулармен, оның ішінде Еңбек Қызыл Ту орденімен, медальдармен, Қазақ КСР Жоғарғы Кеңесінің құрмет грамотасымен ерекшеленген.
Бірнеше рет аудандық, қалалық және облыстық халық депутаттары Кеңесінің депутаты болып сайланған.
Қарағанды қаласының әлеуметтік-экономикалық дамуына үлес қосқаны, зор еңбектері, қаланың қоғамдық-саяси өміріне белсенді қатысқаны үшін 2005 жылдың 30 сәуірінде «Қарағанды қаласының Құрметті азаматы» атағы берілген.
Атақ берілген күні: 2005 жылы 30 сәуір