Мұсәлімов Идеал Ғалиұлы

1941 жылы 23 тамызда Астрахан облысының Володарское селосында туды. 1948-1958 жылдары Теміртау қаласының №1 ОМ оқыды. 1958-1964 жылдары Қараған­ды Политехникалық институтында оқыды. Оқуын аяқтаған соң, МҚЗ жұмысқа жіберілді, онда 1964-1975 жылдарға дейін смена мастерінен бас инженерге дейінгі еңбек жолынан өтті. 1975 жылы Қарағанды «Құрылыспластмасс» комбинатын басқарды. 1985-1990 жылдары «Қазқұрылыс-полимер» бас директоры, 1994-1995 жылдары «Қазқұрылысполимер» АҚ президенті. 1995-1997 жылдардан бастап Қарағанды облысы әкімінің бірінші орынбасары қызметін атқарды. 1997 жылдан бастап «Құрылыспластмасс» ААҚ президенті. Қалалық және облыстық Кеңестері атқару комитетінің төрағасы болып сайланды, сонымен қатар жергілікті және ҚазССР-ы халық депутаттары Жоғарғы Кеңесінің депутаты болып сайланды.
«10 бесжылдық, 11 бесжылдықтың уздігі» жалпыодақтық белгілерімен марапатталды.
Қоғамдық-саяси қызметке елеулі үлес қосқаны, аймақтың экономикасын қалыптастыру мен дамытуға және Қарағанды қаласының құрылысы мен дамуына белсене қатысқаны үшін 2001 жылы «Қарағанды қаласының құрметті азаматы» атағы берілді.
Атақ берілген күні: 2001 жылы 22 тамыз