Марданов Төлеуғажы Марданұлы

Марданов Төлеуғажы Марданұлы 1941 жылы 15 мамырда Орал облысы Ганаевский ауданы Бидайық селосында шаруа отбасында туған.
1951 жылы Гурьев облысының Кулагино кентіндегі Жамбыл атындағы орта мектепке оқуға барады.
Мектепті бітірген соң, 1959 жылы Кулагино кентіндегі ЖТС-да слесарь, аудандық білім бөлімінің және ұжымдық шаруашылықтың жүргізушісі болып жұмыс істеді.
1961 жылдан 1964 жылға дейін Кеңес Әскері қатарында қызмет етті.
1965 жылдан 1970 жылға дейін Ташкент темір жол институтында АТЖ инженері мамандығы бойынша оқыды.
Институтты бітірген соң, жолдамамен Қазақ темір жолына Қарағанды бөлімшесіне Қарағанды байланыс дистанциясына қызметке жіберілді.
1971 жылы механикаландырылған горка бастығы болып тағайындалғаннан бастап осы уақытқа дейін осы қызметті атқарып келеді.
Сортировка кентінің тұрғындары оны бірнеше рет аудандық Халық депутаттары Кеңесіне және қалалық мәслихатқа депутат етіп сайлады.
«Еңбек ардагері» медалімен және «Қазақстан Республикасының тәуелсіздігіне 10 жыл» мерейтойлық медалімен марапатталған.
Қаланың қоғамдық өміріне белсене қатысқаны, принциптілігі, дәйектілігі, сайлаушылар берген аманаттарды орындаудағы табандылығы үшін оған 2003 жылы «Қарағанды қаласының Құрметті азаматы» атағы берілді.
Атақ берілген күні: 23 июля 2007 года