Макаров Олег Григорьевич

1933 жылы 6 қаңтарда Калинин облысы Удомля селосында дүниеге келген. 1957 жылы Н.Э. Бауман атындағы Мәскеу жоғары техникалық училищесін бітіріп, конструктор бюросында инженер-конструктор болып жүмыс істеді.
1966 жылдан бастап ғарышкерлер дайындау Орталығында.
1973 жылы 27-29 қыркүйекте «Союз-12» ғарыш кемесінің бортинженері ретінде ғарышқа ұшты (экипаж командирі В.Г. Лазарев). Екі тәуліктік ұшу нәтижесінде скафандр жаңа үлгілері сынақтан өткізілді. 1978 жылы 10-16 қаңтарда «Союз-27» кемесінде және «Салют-6» орбиталдық станциясында бортинженері ретінде екінші рет ғарышқа ұшты (экипаж командирі В.А. Джанибеков). Кеме орбиталдық станциясымен түйістірілгеннен кейін алты тәуліктік ұшу кезінде «Союз-27» - «Салют-6» - «Союз-28» ғылыми-зерттеу кешені бортындағы бірлескен жұмыстарға қатысты (Ю.В. Романенко, Г.М. Гречко, В.А. Джанибеков). 1980 жылы 27 қараша-10 желтоқсанда Л.Д. Кизимов және Г.М. Стрекаловпен бірге «Союз-Т-3» кемесі және «Салют» орбиталдық станциясымен үшінші рет ғарышқа сапар шекті.
Кеңестік, шетелдік ордендермен және медальдармен марапатталған. Екі рет Кеңес Одағының Батыры. (1973, 1978) «Союз-12» кемесінде ғарыш сапарын іске асырғаны үшін, сол кездегі білдірген батылдық мен батырлығы үшін, ғарышта зерттеулер жүргізгені үшін, Қарағанды маңына ғарыш кемесін жұмсақ қондырғаны үшін 1973 жылдың қыркүйегінде «Қарағанды қаласының Құрметті азаматы» атағы берілді.
Атақ берілген күні: 1972 жылы 27 қырқүйек