Көрпебаев Қасым Нұрғалиұлы

1931 жылы 17 сәуірде Қарағанды облысы Қарқаралы ауданы Калинин атындағы колхозда дүниеге келген. Еңбек жолын 1944 жылы «Қарағандыкөмір» комбинаты «Молотовкөмір» тресті №60 шахтаның белгілеушісі болып бастады.
1949 жылы Қарағанды тау-кен техникумына түсті, оны оқып бітіргеннен кейін шахтада тау-кен шебері болып жүмыс істеді.
1977-89 жылдар аралығында Қарағанды қаласының көмір табу бойынша өндірістік бірлестіктің «Карагандинская» шахтасының директоры.
1989-91 жылдарда учаске бастығының орынбасары.
1991 жылдан бастап зейнеткер.
1973 жылы көмір өнеркәсібіндегі зор еңбегі үшін Социалистік Еңбек Ері атағы берілді.
Ленин орденімен, үш дәрежелі «Шахтер Даңқы», «Елеулі еңбегі үшін», «Еңбек ардагері» медальдарымен марапатталған.
Қалалық және аудандық Кеңестерінің депутаты болып сайланған.
Көмір өнеркәсібінің дамуына қосқан үлкен еңбегі үшін 2004 жылдың 7 сәуірінде «Қарағанды қаласының Құрметті азаматы» атағы берілді.
Атақ берілген күні: 2004 жылы 7 сәуір