Құлқыбаев Ғабдолла Әбдіқожаұлы

1940 жылы 2 ақпанда Қарағанды облысының Жаңаарқа ауданындағы Сәкен Сейфуллин атындағы кеңшарда туды, профессор, ҚР ҮҒА корреспондент мүшесі, ҚР профилактикалық медицина Академиясының Академигі, ҚР көрнекті ғалымдары үшін берілетін мемлекеттік стипендиаттың иегері.
1963 жылы Қараганды Мемлекеттік медицина институтының емдеу факультетін аяқтады. 1966 жылы ҚММИ жанындағы аспирантураны бітірген. 1966 жылдан бастап ассистент болып қызмет атқарды, 1971 жылдан 1979 жылдар аралығында ҚММИ госпитальдық терапиясында кафедра доценті болып қызмет атқарды. 1979 жылдан 1981 жылға дейін Қаз ССР-нің ДМ Кардиология институтының директоры болып қызмет атқарды. 1981 жылдан бас­тап аға ғылыми қызметкер, клиника-биохимия лабораториясының меңгерушісі болды. 1983 жылдан 1989 жылдары КСРО ҒМА Тамақтандырудың аймақтық мәселелері институтында аға ғылыми қызметкер, витаминология лабороториясында меңгеруші, жүрек-қан тамырлары патология бөлімшесінде меңгеруші болып қызмет атқарды. 1969 жылы «Ішкі аурулар» мамандығы бойынша кандидаттық диссертациясын қорғады, 1990 жылы «Гигиена» мамандығы бойынша докторлық диссертациясын қорғады.
1990 жылдан бастап ҚР Б ж ҒМ Физиология және еңбек гигиенасы институтының директоры болып қызмет атқарды.
Докторлық және кандидаттық диссертация қорғау жөніндегі Диссертациялық кеңестің төрағасы болып табылады.
«Тың жерді игергені үшін», «Еңбек ардагері» медальдарымен, «Денсаулық сақтаудың үздігі» белгісімен марапатталды.
Қазақ халқының салт-жоралары және дәстүрлерін енгізу мен насихаттауға, каланың қоғамдық өміріне белсене қатысқаны және өнеркәсіп аймағын экологиялық сауықтырудың ғылыми бағдарламасын қолдану мен әзірлеуге, кадрларды дайындауға, жұмысшы денсаулығын сақтау ісіне, ғылымға елеулі үлес қосқаны үшін 2001 жылғы 22 тамызда «Қарағанды каласының Құрметті азаматы» атағы берілді.
Атақ берілген күні: 2001 жылы 22 тамыз