Косенко Степан Григорьевич

1922 жылдың 1 қаңтарында Қостанай облысының Сорочинское селосында туды. 1941 жылы орта мектепті аяқтап, әскер қатарына, майданға шақырылды. Москваны қорғауға, Брянск, Орел, Курск сонымен бірге, Польша, Венгрия, Германия қалаларын азат етуге қатысты. 18 медаль және жеті жауынгерлік ордендермен марапатталды. ("Жауынгерлік Қызыл Ту", Екі рет "I дәрежелі Отан соғысы", Екі рет "Қызыл Ту", "3 дәрежелі Даңқ" ордендері мен "Ерлігі үшін" медалі т.б.).
1945-1949 жылдары Заң институтында білім алды. 1949 жылдан бастап Жезқазған қаласында сот болып еңбек етсе, 1954 жылдан бастап Теміртау қаласының қалалық сотының төрағасы қызметін атқарды. 1960 жылдан Қарағанды облысының прокуратурасында, 1982 жылдан Қарағанды облысының Әділет басқармасында бас кеңесші қызметін атқарды.
Халық депутаттарының қалалық және аудандық Кеңесінің депутаты болып сайланды. 1989-1992 жылдары Совет ауданының ардагерлер Кеңесін басқарды.
Ұлы Отан соғысы жылдарындағы Отан алдындағы елеулі қызметі үшін, сот жөне прокуратура органдарындағы заңдылықты сақтау мен қамтамасыз ету жолындағы жемісті еңбегі және Қарағанды қаласының қоғамдық жұмыстарына белсене қатысқаны үшін 1995 жылы "Қарағанды қаласының Құрметті азаматы" атағы берілді.
Атақ берілген күні: 1995 жылы 31 наурыз