Қасейінов Дүйсен Құрабайұлы

1947 жылы туған. Жоғары білімі бар, Құрманғазы атындағы Алматы консерваториясын бітірген. П. Чайковский атындағы Мәскеу консерваториясын тәмәмдаған.

Профессор, испан және ағылшын тілдерін меңгерген.

Қазақстанның музыкалық мұрасын сақтау және дамыту мәселелерін шешуге бағытталған "Асыл мұра" республикалық коммерциялық емес жобасы қамқоршылық кеңесінің төрағасы, "Дегдар" гуманитарлық қорының президенті.

2003 жылдың қыркүйегінен 2004 жылдың қыркүйегіне дейін Қазақстан Республикасының Мәдениет министрлігін басқарды.

Соңғы уақытта - Қазақстан Республикасы Сыртқы істер министрлігінің Ерекше тапсырмалар жөніндегі елшісі, Қазақстан Республикасының Тәуелсіз Мемлекеттер Достастығындағы мәдени - гуманитарлық ынтымақтастық мәселелері жөніндегі арнайы өкілі.

2008 жылдың мамыр айынан бастап ТҮРКСОЙ-дың бас хатшысы қызметін атқарады.

Атақ берілген күні: 2021 жылғы 24 қараша