Исаев Нұрқан Исаұлы

1940 жылы 5 қазанда Ақтөбе облысы Шалқар қаласында қызметкер отбасында дүниеге келген. Орта мектепті бітірді, жүргізуші курстарында оқыды. Содан кейін Шалқар қаласының аудандық тұтынушы одағында шопыр болып істеді.
1958-1960 жылдар аралығында Орынбор облысы, Орск қаласының №1 техникалық училищесінде оқыды. Содан кейін Астархан қаласында Кеңес Әскер қатарында радиотелефоншы қызметін атқарды. 1963 жылдың тамызында Қарағанды политехникалық институты автотехникалық факультетіне оқуға түсті. Жоғары оқу орнын бітіргеннен кейін тау-кен машиналары кафедрасында бас инженер-оқытушы болып істеді. 1968 жылдың қазанынан Қарағанды облысы көмір өнеркәсібі Басқармасының техникалық қадағалау бойынша инженері, содан кейін Казақ КСР ғылымдар Академиясының Қарағанды химия-метал­лургия ғылыми-зерттеу институтының бас инженері болды.
1969-1998 жылдар аралығында Қазақстан Республикасы ішкі істер органдарында, содан кейін шетелде Женева қаласында дипломатиялық жұмыста еңбек етті.
Халықаралық ұйымның Еуразиялық автомобильшілер альянсы бас секретарі, Қазақстан Республикасы транспорттық құралдар жүргізушілері Одағының вице-төрағасы болды.
Қарағанды дамыуына қосқан үлкен үлесі үшін, қоғамдық өмірге белсенді қатысқаны үшін 2000 жылдың 23 қыркүйегінде «Қарағанды қаласының Құрметті азаматы» атағы берілді.
Атақ берілген күні: 2000 жылы 23 қыркүйек