Жошыбаев Сейтхан

1939 жылдың 9 маусымында Жамбыл облысы Луговск ауданы АкырТөбе станциясында дүниеге келген.
1956 жылы орта мектепті бітірген. 1962 жылы Фрунзе қаласында Қырғыз мемлекеттік медициналық институтын бітірген.
1962-1967 жж. - Нарын облыстық ауруханасының, Фрунзе қаласының Республикалық клиникалық ауруханасы госпитальдық бөлімшесінің, сонан соң Қырғызстанның Талас қалалық ауруханасының хирургы.
1970 жылы кандидаттық диссертациясын қорғады.1970 жылдан 1984 жылға дейін медицина институтының жалпы хирургия кафедрасының хирургы, ассистенті, Бішкек қаласындағы Республикалық клиникалық аурухананың торакалды, кейіннен кардиохирургия бөлімшесінің меңгерушісі.
1981 жылы докторлық диссертациясын қорғады. 1984 жылдан 1992 жылға дейін Алматы қаласындағы А.Н. Сызғанов атындагы клиникалық және эксперименталдық хирургия ҒЗИ жүрек қан тамыры хирургиясы бөлімінің басшысы.
2004 жылы Қырғыз Республикасы Президентінің Жарлығымен Жүрек жэне ішкі органдарды ауыстыру хирургиясы ғылыми зерттеу институтын ұйымдастырды.
«КСРО Денсаулық сақтау үздігі», «Қазақстан Республикасы Денсаулық сақтау үздігі», «Қырғыз КСР Еңбек сіңірген дәрігері», «Даңк» Қырғызстан медалі, «Ерен еңбегі үшін» Қазақстан медалі, Қырғызстан, Қазақстан, Монголия Денсаулық сақтау министрліктерінің Құрмет грамоталары.
КСРО МҒА академигі В.И. Бураковскийдің естелік медалі, ҚР ҰҒА академигі И.К. Ахунбаевтың Премиясы, Қырғыстан хирургиялық қоғамдар Ассоцияциясының Құрмет грамотасы, Қазақстан Республикасы Елшілігінің Құрмет грамотасы жэне «Алтын көпір» белгісі.
Қарағанды қаласының жүрек-кан тамыры хирургиясы облысаралық диспансеріне әдістемелік және тәжірибелік көмек көрсеткені үшін 1997 жылы «Қарағанды қаласының Құрметті азаматы» атағы берілген.
Атақ берілген күні: 1997 жылы 17 қаңтар