Дәненова Фәтима Құсайынқызы

1918 жылы 10 ақпанда Солтүстік Қазақстан облысы Петропавл қаласында дүниеге келген. Еңбек жолын 1938 жылы Қарағанды-Угольная станциясының тауарлық конторасында таксировшы болып бастайды. 1938 жылы Петропавл темір жол техникумын, ал 1955 жылы Мәскеу қаласында КОКП Орталық Комитеті жанындағы Жоғарғы партия мектебін бітірді.
1939-1942 жылдар аралығында комсомолдық жұмыста болды, қалалық комитет нұсқаушысы, облыс комитеті, Қазақстан ЛКЖО облыстық комитетінің хатшысы болып жұмыс істеді. 1943 жылдан бастап кеңестік және партиялық жұмыстарда. Облыстық атқарушы комитеті төрағасының орынбасары, нұсқаушы, сектор меңгерушісі, бөлім меңгерушісі, Қазақстан коммунистік партиясы Қарағанды облыстық комитетінің әйелдер арасындағы жұмыс бойынша хатшысы, Қарағанды қалалық партия комитетінің хатшысы болды.
Фәтима Құсайынқызы Дәненова Ұлы Отан соғыс жылдарында «Еңбекте ұрыста сияқты» атты Қарағанды әйелдері қозғалысының дамуына өте көп үлес қосты. Чистяков қаласындағы (қазір Торез қаласы Донецк облысы) балалар үйі құрылысына қаражат жинаудың ұйымдастырушысы және бастаушысы болды. Осы балалар үйіне «Әйелдер -Қарағанды патриоттары» есімі берілді.
Жастарды тәрбиелеудегі қосқан зор еңбегі үшін, Қарағанды жұмысшыларын қала экономикасын дамытуға шақырған үшін, қоғамдық өмірге белсенді қатысқаны үшін 1977 жылдың 27 қазанында «Қарағанды қаласының Құрметті азаматы» атағы берілді.
Атақ берілген күні: 1977 жылы 27 қырқүйек