Горбатко Виктор Васильевич

934 жылы 3 желтоқсанда Краснодар аймағы Венцы-Заря поселкесінде дүниеге келген. Үшқыштарды алғашқы оқыту мектебін және 1956 жылы А.К. Серов атындағы Батайск әскери-авиациялық училищесін бітірген.
«Союзе-6», «Союз-7», «Союз-8» ғарыш кемелерінде топтық ғарыш сапарын ойдағыдай
өткізгені үшін және сол кездегі білдірген батырлық пен батылдығы үшін Кеңес Одағының батыры атағы берілді, сонымен қоса Ленин ордені және «Алтын Жұлдыз» медалі берілді. «Союз-7» ғарыш кемесінде ғарыш сапарын өткізгені үшін «КСРО ұшқыш-ғарышкері» атағы берілді.
1966 жылдан бастап ғарышкерлер Орталығында. 1968 жьлы Н.Е. Жуковский атындағы әскери әуе инженерлік академиясын бітірді. 1969 жылы 12-17 қаңтарында В.В. Горбатко «Союз-7» ғарыш кемесінің инженер-зерттеуші ретінде ғарышқа ұшты (А.В. Филипченко және В.Н. Волковпен бірге). Ғарыш кемесі экипажы жер жанындағы ғарыш кеңістігінде бірнеше ғылыми-техникалық эксперименттер және зерттеулер жүргізді. 1977 жылы 7-25 ақпанда «Союз-24» ғарыш кемесінің экипаж командирі болып екінші рет «Салют-5» орбиталдық станциясына ғарыш сапарында болды. 1980 жылы «Союз-27» ғарыш кемесінің халықаралық (ғарышкер-зерттеуші ВСР азаматы Фам Туан) экипаж командирі ретінде «Салют-6» орбиталдык станциясына ғарыш сапарында болды.
Ғарышкер көптеген кеңестік, шетелдік ордендермен және медальдармен және де К.Э. Циолковский атындағы Алтын медальмен марапатталған. МХР және ВСР Батыры.
Ғарыш кемелерінің топтық ғарыш сапарын өткізгені үшін, сол кезде білдірген батылдық мен батырлығы үшін, ғарыш кемесін Қарағанды маңына ойдағыдай қондырғаны үшін 1969 жылдың 23 қазанында «Қарағанды қаласының Құрметті азаматы» атағы берілді.
Атақ берілген күні: 1969 жылы 23 қазан